Get real time updates directly on you device, subscribe now.
लोकस्पर्श न्यूज नेटवर्क,
गडचिरोली, दि. २६ : संविधान दिनानिमित्त नागरिकत्वाची जाणीव आणि मानवतेची मूल्ये कृतीत उतरवत लॉयड्स इन्फिनिटी फाउंडेशनतर्फे कोनसरी येथील लॉयड्स मेटल्स परिसरात भव्य रक्तदान शिबिराचे आयोजन करण्यात आले. या शिबिराला उत्स्फूर्त प्रतिसाद मिळत एकूण ११० रक्तदान युनिट्स गोळा करण्यात आले.
शिबिराचे नियोजन अत्यंत शिस्तबद्ध आणि वैद्यकीय नियमांच्या अनुरूप करण्यात आले होते. उपजिल्हा रुग्णालय, अहेरी (SDH) येथील रक्तपेढीच्या तज्ज्ञ पथकाने वैद्यकीय तपासणी, रक्तसंकलन आणि समन्वयाची जबाबदारी निभावत शिबिर सुरळीत व परिणामकारक पार पाडले.
व्हॉट्सअॅप ग्रुप ही लिंक वापरून जॉइन करा
कार्यक्रमाला लॉयड्स मेटल्स अँड एनर्जी लिमिटेडचे वरिष्ठ अधिकारी तसेच लॉयड्स काली अम्मल हॉस्पिटलमधील आरोग्यतज्ज्ञ उपस्थित होते. कंपनीच्या सामाजिक उत्तरदायित्वाच्या बांधिलकीची जाणीव या मोठ्या प्रमाणातील सहभागातून प्रकर्षाने दिसून आली.
टेलिग्राम बातम्यांसाठी लिंक क्लिक करा
लॉयड्स मेटल्सचे व्यवस्थापकीय संचालक बी. प्रभाकरण यांनी कर्मचाऱ्यांना आणि रक्तदात्यांना उद्देशून दिलेल्या संदेशात म्हटले की, “मानवता, समता आणि करुणा ही आपल्या राष्ट्राची मूलभूत मूल्ये आहेत. रक्तदान हा केवळ उपक्रम नसून जीव वाचवण्याचा आणि भारतीय नागरिक म्हणून आपले कर्तव्य निभावण्याचा सर्वोत्तम मार्ग आहे.” त्यांनी सर्व स्वयंसेवकांचे मनापासून आभार मानत त्यांच्या सेवाभावाचे कौतुक केले.
आयोजकांनीही स्वयंसेवक व सहभागींचे आभार मानत रक्तदानाचे महत्त्व अधोरेखित केले. समाजातील गरजू रुग्णांना नवजीवन देण्याची संधी अशा उपक्रमांतून मिळते, असे सांगत त्यांनी या शिबिराचे यश लॉयड्स इन्फिनिटी फाउंडेशनच्या समाजसेवेवरील दृढ बांधिलकीचे द्योतक असल्याचे नमूद केले.
हे देखील वाचा,
३ किमीचा रस्ता ‘ठप्प’; अहेरी–प्राणहिता मार्ग प्रशासनाच्या दिरंगाईचा राष्ट्रीय नमुना
संविधान मूल्ये कृतीत उतरविण्याची गरज : डॉ. पुरणचंद्र मेश्राम