लोकस्पर्श न्यूज नेटवर्क,
यवतमाळ, दि. २९ जानेवारी : यवतमाळ जिल्हा परिषद कार्यालय परिसरात जुगार खेळत असलेले कर्मचारी, वाहनचालक व निवृत्त चालक अशा ९ जणांवर कारवाई करण्यात आली आहे. काल रात्री काही लोक जिल्हा परिषद कार्यालय परिसरात जुगार खेळत असल्याची माहिती पोलिसांना मिळाली.त्यावरून धाड मारून ९ जणांच्या विरोधात गुन्हे दाखल केले आहेत. या कारवाईत ५ लाख रुपयांचा मुद्देमाल जप्त करण्यात आला आहे.
यामध्ये एक लिपिक, काही वाहनचालक, काही निवृत्त वाहनचालक आणि मुख्य कार्यकारी अधिकाऱ्यांच्या वाहन चालकाचाही समावेश असल्याचे सांगण्यात आले आहे. हा काही कालचाच प्रकार नाही, तर गेल्या कित्येक महिन्यांपासून तेथे काही मंडळी जुगार खेळतात. तेथेच या मंडळीचा मद्यप्राशनाचाही कार्यक्रम नियमित चालायचा अशी माहिती आहे.
हे देखील वाचा :