लोकस्पर्श न्यूज नेटवर्क
नागपूर : शहराचा मध्यवर्ती भाग असलेल्या फुटाळा तलाव परिसरात आज दुपारी दीडच्या सुमारास एका तरुणानं तलावात उडी घेऊन आत्महत्या केल्याची घटना समोर आली आहे. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती समोर आली आहे.
अथर्व राजू आनंदेवार (१९) असं या तरुणाचं नाव आहे. वाडी येथील राहणारा हा तरुण गेल्या काही दिवसांपासून नैराश्यात होता असं सांगितलं जात आहे. यातून काहीही मार्ग न निघाल्यामुळे तरूणाने आयुष्य संपवण्याचा निर्णय घेतला.
अथर्वने दुचाकीसह तलावात उडी घेतली. जी दुचाकी घेऊन त्याने तलावात उडी घेतली ती बाहेर काढण्यात यश आले. पण त्याचा मृतदेह अजून रेस्क्यू टीमच्या हाती लागलेला नाही. सध्या युद्धपातळीवर शोध सुरू असल्याची माहिती पोलिसांकडून देण्यात आली आहे.
घटनेची माहिती मिळताच अंबाझरी पोलिस स्टेशन मधील टीम तातडीने घटनास्थळी दाखल झाली आहे. या घटनेचा पोलीस तपास करत असून अथर्वने असं टोकाचं पाऊल का उचललं? याचाही शोध पोलीस घेत असल्याचं सांगण्यात येत आहे.
हे देखील वाचा :
“त्या” अवैध दारू विक्रेता, सावकारापुढे पोलीस यंत्रणा हतबल ठरतेय का?
ब्रेकिंग : चंद्रपुरात बुरखा घालून एका युवकाने भरदिवसा केला गोळीबार