- औषध व साहित्य उपलब्ध करून देण्याचे आश्वासन.
लोकस्पर्श न्यूज नेटवर्क
सालेकसा: दि. २७ एप्रिल: गडचिरोली-चिमूर लोकसभा क्षेत्राचे खा. अशोक नेते यांनी आज दि. २४ एप्रिल रोजी आमगाव विधानसभा क्षेत्राच्या दौऱ्या दरम्यान सालेकसा येथे जाऊन तेथील आदिवासी मुलांचे वस्तीगृहातील कोविड केअर सेंटरमध्ये जाऊन पाहणी केली व तेथील सोयी-सुविधा बाबत माहिती जाणून घेतली.
याप्रसंगी कोविड केअर सेंटरला ऑक्सिजन व व्हेंटिलेटरची गरज भासल्यास वरिष्ठ स्तरावर पाठपुरावा करून साहित्य उपलब्ध करून देण्याचे आश्वासन दिले. तसेच लवकरच केंद्रीय मंत्री नितीन गडकरी यांच्या माध्यमातून मिनी व्हेंटिलेटर व ऑक्सिजन कॉन्सटेटर मशीन उपलब्ध करून देण्याचे आश्वासन खा. अशोक नेते यांनी दिले.
यावेळी सालेकसा तालुक्याचे तालुका महामंत्री राजेंद्र बडोले, युवा मोर्चा चे हितेश डोंगरे, शर्माजी व भाजपचे पदाधिकारी, कार्यकर्ते व आरोग्य अधिकारी, कर्मचारी उपस्थित होते.