लोकस्पर्श न्यूज नेटवर्क
गडचिरोली : आलापल्ली वरून भामरागड कडे जाणाऱ्या भरधाव जाणाऱ्या पिक अप वाहनाने रस्त्यावर उभ्या असलेल्या ट्रॅक्टरला जोरदार धडक दिल्याने चालकासह एक वाहक जागीच ठार तर ८ जण जखमी झाल्याची घटना काल २१ जून रोजी संध्याकाळी सात वाजताच्या सुमारास आलापल्ली भामरागड मार्गावर घडली आहे.
पिक अप वाहन चालक सुरत चांदेकर (२२), वाहक मारुती सिडाम (५५) अशी मृतकांची नावे आहेत.
प्राप्त माहितीनुसार किराणा सामान व इतर साहित्यासह प्रवाशांना घेऊन पिकअप भरधाव वेगाने भामरागडकडे जात होते. दरम्यान पीकअप चालकाचे वाहनावरील नियंत्रण सुटल्याने हा भीषण अपघात झाला.
यात सुरज चांदेकर, वाहक मारुती सिडाम यांचा जागीच मृत्यू झाला तर इतर आठ जण जखमी झाले आहेत. जखमींवर अहेरी येथील ग्रामीण रुग्णालयात उपचार सुरू आहेत. पुढील तपास पोलिस करीत आहेत.