लोकस्पर्श न्यूज नेटवर्क
वाशिम : जिल्ह्यातील मालेगाव तालुक्यातील पांगरीकुटे येथील रहिवासी असलेले चार तरुण शेगाव येथील संत गजानन महाराज मंदिरातुन दर्शन घेऊन गुरुवारी मध्यरात्री घरी परतताना खामगावकडे जाणाऱ्या कारला आयशर ट्रकने जोरदार धडक दिली.
हा अपघात इतका भीषण होता की कारचा अक्षरश: चक्काचूर झाल्याने कारमधील तीन प्रवाशांचा जागीच मृत्यू झाला तर एक जण गंभीर जखमी झाला.
अपघाताची माहिती मिळताच बाळापूर पोलिस ठाण्याचे पथक घटनास्थळी दाखल झाले.
पोलिसांनी मृतदेह व गंभीर जखमी झालेल्या एका व्यक्तीला उपचारासाठी अकोला येथील सर्वोपचार रुग्णालयात पाठविण्यात आले होते. मात्र, उपचारादरम्यान त्याचा मृत्यू झाला. मृतांमध्ये शुभम कुटे, धनंजय नवगरे, विशाल नवगरे, मंगेश नामदेव राऊत, पांगरीकुटे गावचे रहिवासी आहेत.
पुढील तपास बाळापूर पोलीस करत आहे.
हे देखील वाचा :