पंडित दिनदयाल उपाध्याय रोजगार मेळाव्याचे आयोजन

लोकस्पर्श न्युज नेटवर्क,

गडचिरोली :जिल्हा कौशल्य विकास, रोजगार व उद्योजकता मार्गदर्शन केंद्र, गडचिरोली, शासकीय औद्योगिक प्रशिक्षण संस्था, गडचिरोली आणि युथ फॉर जॉब फाऊंडेशन गडचिरोली यांच्या संयुक्त विद्यमाने दिनांक 28 जानेवारी 2025 रोजी शासकीय औद्योगिक प्रशिक्षण संस्था, गडचिरोली येथे ठिक 11.00 वाजता पंडित दिनदयाल उपाध्याय रोजगार मेळावा आयोजित करण्यात आलेला आहे.

सदर रोजगार मेळाव्यामध्ये कंपन्या उपस्थित असणार असून उमेदवारांना रोजगार व लाभ घेण्यासाठी सदर रोजगार मेळाव्याकरीता असलेले इच्छुक उमेदवारांनी स्वत:चा बायोडाटा, आधार कार्ड, शैक्षणिक प्रमाणपत्रांच्या झेरॉक्स सह स्वखर्चाने दि. 28 जानेवारी 2025 रोजी शासकीय औद्योगिक प्रशिक्षण संस्था, गडचिरोली येथे उपस्थित राहून रोजगार मेळाव्याचा लाभ घ्यावा. अधिक माहितीकरीता जिल्हा कौशल्य विकास, रोजगार व उद्योजकता मार्गदर्शन केंद्र, गडचिरोली या कार्यालयाशी संपर्क करण्याचे आवाहन सहायक आयुक्त जिल्हा कौशल्य विकास रोजगार व उद्योजकता मार्गदर्शन केंद्र, गडचिरोली यांनी केले आहे.