चंद्रपुरातील नामांकित समाधान पूर्ती सुपर बाजार येथील धक्कादायक प्रकार
अन्न व भेसळ प्रतिबंधक विभागामार्फत समाधान पूर्ती सुपर बाजाराची सखोल तपासणी करण्याची ग्राहक राजकपूर भडके यांनी केली मागणी.
चंद्रपूर, दि. १३ जानेवारी: चंद्रपुरातील नामांकित समाधान पूर्ती सुपर बाजारातून खरेदी केलेल्या उत्तम कंपनीच्या गुलाब जामुन मिक्स पावडर मध्ये मोठं मोठ्या अळ्या निघाल्यामुळे ग्राहकांमध्ये खळबळ उडाली आहे. चंद्रपूर शहरातील नामांकित बाजारामध्ये असे प्रकार घडत असल्याने चिंता व्यक्त केल्या जात आहे. अन्न व भेसळ प्रतिबंधक विभागामार्फत समाधान पूर्ती सुपर बाजाराची सखोल तपासणी करावी अशी मागणी ग्राहक राजकपूर भडके यांनी केली आहे.
काल दिनांक 12 रोजी राजकपूर भडके हे आपल्या कामानिमित्त चंद्रपूरला गेले असता कामे आटोपून परतीच्या मार्गात काही समान खरेदी करिता चंद्रपुरातील जेटपुरा गेट जवळील समाधान पूर्ती बाजारात गेले,व आपल्या मुलाच्या आवडीनुसार त्यांनी तिथून उत्तम नावाचा गुलाब जामुन मिक्स पावडर पाकिट आणि डोनट अश्या दोन वस्तू विकत घेतल्या त्याचे अनुक्रमे 60 आणि 10 एकूण 70 रुपये बिलही दिला, घरी येऊन दुसऱ्या दिवशी पाकिट फोडून एका ताटामध्ये घेतले असता त्यातून पांढऱ्या तापकीर रंगाच्या अळ्या बाहेर चालायला लागल्या , लागलीच आजूबाजूच्याना बोलावून दाखवलं, सर्वाना जब्बर धक्का बसल्याने आश्चर्य व्यक्त करीत चिंतासुद्धा व्यक्त केली आहे.
चांद्रपुरातल्या नामांकित समाधान पूर्ती सुपर बाजारातील विक्रीसाठी उपलब्ध असलेल्या सर्वच वस्तूच्या दर्जाविषयी त्यांनी शंका व्यक्त केली असून सखोल चौकशीची मागणी त्यांनी केली आहे. अश्या प्रकारच्या वस्तू आरोग्यास हानिकारक असल्याचेही त्यांनी बोलून दाखविले.