लोकस्पर्श न्यूज नेटवर्क,
नंदुरबार, दि. १६ जानेवारी : अकोट तालुक्यातील देवरी फाट्या नजीक एसटी चालकाने धावत्या कार समोर येऊन आत्महत्या केल्याची घटना आज सायंकाळी ७:३० वाजताच्या सुमारास घडली आहे.
अरविंद अनंत चव्हाण (४०) रा.देवरी) असे मृतकाचे नाव असून ते शहादा डेपो (जिल्हा नंदुरबार) येथे एसटी चालक म्हणून नोकरीला होते. सदर कर्मचारी हा मागील पाच ते सहा महिन्यांपासून मानसिक आजाराखाली असल्याचे समजते. या कर्मचाऱ्याला एसटी खात्यातून बडतर्फ करण्यात आले होते.
मृतक अरविंद चव्हाण यांचे मानसिक संतुलन बिघडल्याने तो दररोज इतरत्र फिरत असे. आज रोजी त्याने एका धावत्या वाहना समोर उडी घेण्याचा प्रयत्न केला. यामध्ये अरविंद चव्हाण गंभीर जखमी झाले.
ज्या वाहनसमोर अरविंद चव्हाण यांनी उडी घेतली त्याच वाहनातून त्यांना पुढील उपचारासाठी अकोट येथे दाखल करण्यात आले होते.
मात्र उपचारादरम्यान त्यांचा मृत्यू झाला.
हे देखील वाचा :
सशस्त्र सीमा बलाचे सुपुत्र जवान अमोल पाटील यांना नेपाळ सीमेवर वीरमरण