अमरावती, २४ जानेवारी: अमरावती जिल्ह्यातील धारणी तालुक्यात उकूपाटी येथे मृतावस्थेत बाळ आढळून आल्याने खळबळ उडाली आहे. धारणी पोलिसांनी घटनास्थळाचा पंचनामा करून मृत बाळाला उपजिल्हा रुग्णालयात ठेवले आहे. या घटनेमुळे आरोग्य यंत्रणेत खळबळ उडाली आहे. धारणी शहरापासून ७ किमी अंतरावर असणाऱ्या उकूपाठी जवळील काटेरी झुडपात बाळ असल्याची माहिती धारणी पोलिसांना मिळाली होती.
या माहितीच्या आधारे पोलिस निरीक्षक विलास कुलकर्णी यांनी घटनास्थळी जाऊन पाहणी केली असता तेथे मृतावस्थेत आढळून आले. परंतु ते स्त्री पुरुष जातीचे हे कळू शकले नाही. पोलिसांनी तपासाची सूत्रे हलवित बाळ फेकणाऱ्या अज्ञात व्यक्तीचा शोध मात्र सुरू केला आहे. अनैतिक संबंधातून हे अभ्रक जन्माला आले असावे, असा अंदाज पोलिसांना आहे मागील वर्षी धारणी शहरात मेळघाट बारच्या मागे एक स्त्री अभ्रक आढळून आले होते. त्यामुळे पोलीस याचा कसून तपास सुरू असल्याचे धारणी पोलीस स्टेशन चे निरीक्षक विलास कुलकर्णी यांनी दिली आहे.
व्हॉट्सअॅप ग्रुप ही लिंक वापरून जॉइन करा
Comments are closed.