1 लाख 80 हजारांचा गुळाचा सडवा नष्ट

गर्कापेठा येथे नव्याने दारू विक्रीचा व्यवसाय करणाऱ्यांना वारंवार सूचना करून अवैध व्यवसाय बंद करण्याची सूचना देण्यात आली. तरीसुद्धा काही विक्रेते चोरट्या मार्गाने दारूविक्री करीत होते. अशातच हातभट्टी लावून दारू गाळण्यासाठी विक्रेत्यांनी मोठ्या प्रमाणात गुळाचा सडवा टाकला असल्याची गुप्त माहिती मिळाली. माहितीच्या आधारे पोलिस पथक व मुक्तीपथ तालुका चमूने संयुक्तरित्या कारवाई करीत दारू विक्रेत्यांचा 1 लाख 80 हजार 500 रुपयांचा 18 ड्रम गुळाचा सडवा व साहित्य नष्ट केल्याची कारवाई केली. या मोहिमेत बामणी उप पोलिस स्टेशनचे प्रभारी अधिकारी मस्के यांच्या मार्गदर्शनाखाली पोलिस उपनिरीक्षक पारधी, पोलिस कर्मचारी व मुक्तीपथ तालुका चमुचा सहभाग होता.