दारूबंदीचा निर्णय घेऊन विक्रेत्यांना दिले नोटीस

अनखोडा या गावात गाव संघटनेच्या महिलांनी अनेक बैठका व दारू विक्रेत्यांविरोधात अहिंसक कृती करून कृती करून पाच वर्षांपूर्वी गावाला दारूमुक्त केले होते. मात्र, मागील काही वर्षांपासून १० विक्रेत्यांनी दारूविक्रीचा अवैध व्यवसाय सुरु केला आहे. दारूमुळे गावाचे होणारे नुकसान लक्षात घेता, सघन बैठकीच्या माध्यमातून महिलांनी पुन्हा दारूबंदीचा ठराव पारित केला. सोबतच दारू विक्रेत्यांना दारूबंदी बाबत सूचना सुद्धा दिले आहे. यावेळी दारूबंदीमुळे गावाचा फायदा काय ? याबाबत मुक्तिपथ  तालुका उपसंघटक आनंद सिडाम यांनी योग्य मार्गदर्शन केले. यावेळी सरपंच रेखा येलमुले, ललिता घ्यार, विठाबाई घ्यार, शीतल नागापूरे, पुष्पा सहारे, वच्छला पोरेटे, उषा पाल, मनीषा पाल, बेबी कुरवटकर, विठाबाई ढवसक, सुमन चहारे, पंचफुला घ्यार, वर्षा घ्यार, माया घ्यार यांच्यासह महिला उपस्थित होत्या.