पुरवठा विभागात रेशन कार्ड च्या नोंदीसाठी पैशाची मागणी..पैशे स्वीकारताना चा व्हिडिओ वायरल..

बीड जिल्हा पुरवठा विभागात घटना.

लोकस्पर्श न्यूज नेटवर्क

बीड डेस्क 25 डिसेंबर:- बीड जिल्हा पुरवठा विभागात डाटा एन्ट्री साठी पैशाची मागणी करत पैशे स्वीकारताना चा विडिओ व्हायरल झाला आहे..हजारो रुपयांची आकारणी करतात जनतेची लूट केली जात असल्याचा धक्कादायक प्रकार कॅमेऱ्यात कैद झाल्याने पुरवठा विभागात सुरू असलेल्या अनागोंदी कारभाराची पोल-खोल झाली आहे.

व्हॉट्सअॅप ग्रुप ही लिंक वापरून जॉइन करा

पुरवठा विभागात डाटा एन्ट्री करण्यासाठी तसेच रेशनिंगच्या कामासाठी येत असलेल्या नागरिक व रेशन दुकानदारांची खुले आम लूट सुरू आहे. डाटा एंट्री ऑपरेटर कॅमेऱ्यासमोर पैसे स्वीकारताना देखील त्याला कुठलीही लाज वाटली नाही. हाच डाटा एंट्री ऑपरेटर निवडणूक विभागात देखील काम करताना दिसून येतो. निवडणूक विभागामध्ये पुरवठा विभागाच्या डाटा एंट्री चे काम करत असताना आलेल्या नागरिकांकडून पैसे घेतानाचा व्हिडिओ व्हायरल झाल्यामुळे चर्चेला उधाण आले आहे. निवडणुक विभागात व पुरवठा विभागात एकच व्यक्ती काम करत आहे. त्याच्याकडे दोन्ही विभागाचे लॉगिन आयडी असल्याने हे काम त्याच्या घरी सुद्धा होत असल्याचे आता बोलले जाऊ लागले आहे.

टेलिग्राम बातम्यांसाठी लिंक क्लिक करा

या संदर्भात बीड चे तहसीलदार श्रीकांत शिंदे यांच्या शी या प्रकारा संदर्भात विचारणा केली असतात विडिओची सत्यता तपासनी चालू आहे.. म्हणत कॅमेरा वर बोलण्यास नकार दिला आहे. जिल्हाधिकारी,तहसीलदार नायब तहसीलदार यांच्या वरदहस्ताने राजरोस जनतेची लूट केली जात असल्याने नागरिका मधून तीव्र संताप व्यक्त केला जात आहे तसेच दोषी अधिकाऱ्यांला निलंबित करण्याची मागणी केली.