पंढरपूरचे आ. भारत भालके यांच्यावर शासकीय इतमामात अंत्यसंस्कार.

लोकस्पर्श न्यूज नेटवर्क:

पुणे डेस्क, दि. २८ नोव्हेंबर: राष्ट्रवादी काँग्रेसचे आमदार भारत भालके यांच्यावर त्यांचे मुळ गाव सरकोली येथे शासकीय इतमामात अंत्यसंस्कार करण्यात आले. पुत्र भगिरथ यांनी भारत भालके यांच्या पार्थिवाला अग्नी दिला. भालकेना अखेरचा निरोप देण्यासाठी परिसरात जनसागर लोटला होता. उपमुख्यमंत्री अजित पवार आणि पालकमंत्री दत्तात्रय भरणे यांच्यासह जिल्ह्यातील आमदार खासदार यांच्यासह अनेक जण उपस्थित होते.

आज सकाळी 11 वाजता त्यांचे पार्थिव श्री विठ्ठल सहकारी साखर कारखान्यावर अंतिम दर्शनासाठी ठेवले होते. त्यानंतर त्यांचा पार्थिव पंढरपूर, मंगळवेढ्यातील लोकांना दर्शनास नेण्यात आले. दुपारी सरकोली येथील निवासस्थानी त्यांचे पार्थिव दर्शनास ठेवले होते. संध्याकाळी 4 वाजेच्या सुमारास अजित पवार, पालकमंत्री दत्तात्रय भरणे, आमदार प्रशांत परिचारक, आमदार यशवंत माने, आमदार प्रणिती शिंदे, माजी आमदार दिपक साळुंखे तसेच स्थानिक पदाधिकारी यांनी श्रद्धांजली वाहिली.

व्हॉट्सअॅप ग्रुप ही लिंक वापरून जॉइन करा

आमदार भारत भालके हे महाविकास आघाडी सरकारला एक वर्ष पूर्ण होत असताना सोडून गेले. भारत भालके हे जनेतचा नेते होते. तीन निवडणुकीत वेगळा पक्ष वेगळे चिन्ह असूनही भालके यांनी विजय मिळवला. जनतेची कामं घेऊनच ते सतत भेटायचे. भालके यांचे अपूर्ण राहिलेले स्वप्न पूर्ण करणार. भालके यांच्या कुटुंबाच्या दुःखात सर्वजण सहभागी आहोत, अशा शब्दांत अजित पवार यांनी श्रद्धांजली वाहिली.