जळगावात ट्रकला भीषण अपघात, 15 मजूर ठार

यात एकाच कुटुंबातील 10 सदस्यांचा समावेश आहे.

 2 जण गंभीर जखमी असून तातडीने त्यांना शासकीय रुग्णालयात दाखल

लोकस्पर्श न्यूज नेटवर्क

व्हॉट्सअॅप ग्रुप ही लिंक वापरून जॉइन करा

जळगाव, 15 फेब्रुवारी : जळगाव जिल्ह्यातील यावल तालुक्याजवळ मजुरांच्या ट्रकला भीषण अपघात झाला आहे. या अपघातात 15 मजूर ठार झाल्याची माहिती समोर आली आहे. धक्कादायक म्हणजे, यात एकाच कुटुंबातील 10 सदस्यांचा समावेश आहे. या अपघातात 2 जण गंभीर जखमी असून तातडीने त्यांना शासकीय रुग्णालयात दाखल करण्यात आले आहे.

धुळ्यातून MH-Z-3568 हा आयशर ट्रक पपई घेऊन हा रावेरला चालला होता. यावल जवळील किनगाव इथं पोहोचला असता अचानक चालकाचा ताबा सुटल्यामुळे ट्रक उलटला. या ट्रकमध्ये पपई मोठ्या प्रमाणात भरलेली होती. ट्रक उलटल्यामुळे मागे बसलेले मजूर हे पपईच्या ढिगाराखाली सापडले असल्याची माहिती मिळत आहे. सर्व मजूर हे झोपलेले होते, त्यामुळे काही कळण्याच्या आता काळाने त्यांच्यावर झडप घातली. नेमका हा अपघात का आणि कशामुळे घडला याची माहिती अद्याप समोर आली नाही. पोलीस अधिक तपास करत आहे.

टेलिग्राम बातम्यांसाठी लिंक क्लिक करा