गडचिरोली जिल्ह्यातील २० रुग्णांचा दारू सोडण्याचा निर्धार

काटली येथे शिबीर

लोकस्पर्श न्यूज नेटवर्क

गडचिरोली २० जानेवारी:– गडचिरोली तालुक्यातील काटली येथे गाव संघटनेच्या मागणीनुसार मुक्तीपथ अभियानातर्फे एक दिवशीय व्यसन उपचार शिबिराचे आयोजन करण्यात आले होते. या शिबिराच्या माध्यमातून एकूण २० रुग्णांनी पूर्ण उपचार घेत दारूमुक्त होण्याचा निर्धार केला.

व्हॉट्सअॅप ग्रुप ही लिंक वापरून जॉइन करा

शिबिराला भेट दिलेल्या रुग्णांना दारूचे व्यसन हा एक मानसिक आजार आहे आणि तो उपचाराने बरा होतो. दारूची सवय सोडण्यासाठी तसेच यातून उद्भवणारा त्रास कमी करण्यासाठी उपचार घेणे आवश्यक आहे. दारूची सवय कशी लागते, शरीरावर कोणते दुष्परिणाम दिसतात, धोक्याचे घटक, नियमित औषोधोपचार घेणे आदींची माहिती देत अरुण भोसले यांनी समुपदेशन केले. शिबीर संयोजक प्रमोद कोटांगले यांनी रुग्णांची केस हिष्ट्री घेतली. शिबिराचे नियोजन तालुका संघटक अमोल वाकुडकर, उपसंघटक रेवनाथ मेश्राम यांनी केले. यशस्वीतेसाठी गाव संघटन सदस्य अरविंद चौधरी यांनी सहकार्य केले.