१६ देशांचे गुप्तचर विभागाचे अधिकारी एकत्र काम करणार आहेत.
मुंबई डेस्क 09 जानेवारी:– एकीकडे कोरोनावर वॅक्सीन आणण्याचं काम शेवटच्या टप्प्यात असताना आता कोरोनाची बनावट लसही बाजारात येण्याची शक्यता व्यक्त करण्यात आली आहे. पण या बनावट लस बाजारात येऊ नये म्हणून १६ देशांचे गुप्तचर विभागाचे अधिकारी एकत्र काम करणार आहेत. यासाठी गुप्तचर अधिकाऱ्यांची एक संघटना स्थापन करण्यात आली आहे. युरोपीयन युनियनची संस्था युरोपोलने बनावट लसीबद्दल सावधानतेचा इशारा दिला आहे.
व्हॉट्सअॅप ग्रुप ही लिंक वापरून जॉइन करा
कोरोनामुळे संपूर्ण जग संकटात सापडलं असताना कोरोनावरील लसीबाबत आता सर्वांनाच प्रतिक्षा आहे. सध्या देशात कोरोना लसीचं ड्रायरन सुरु असून लवकरच ती सर्वांसाठी उपलब्ध होणार आहे. पण असं असताना काळा बाजार करणाऱ्यांचा डोळा देखील या लसीवर आहे. बनवाट लस बाजारात आणून विकण्याची शक्यता वर्तवण्यात आली आहे.
इंटरपोलनेही गेल्या महिन्यात पर्पल नोटीस जारी केली. ही नोटीस दक्षिण अफ्रिकेत जोहानसबर्गस्थित एका गोदामात बनावट लस मिळाल्यानंतर जारी केली गेली. यानंतर जागतिक व्यासपीठ स्थापन केले गेले. अनेक देशांमध्ये कोरोनाच्या लसीकरणाला सुरुवात झाली आहे. भारतात देखील लवकरच लसीकरण सुरु होण्याची शक्यता आहे. पंतप्रधान मोदी सर्व मुख्यमंत्र्यांसोबत बैठकीनंतर लसीकरणाच्या तारीखेची घोषणा करु शकतात.
टेलिग्राम बातम्यांसाठी लिंक क्लिक करा
Comments are closed.