- नागरिकांच्या आकाऊंट मधून परस्पर गेले पैसे.
- डोंबिवली मधील आय.डी.बी.आय बँकेत घडला प्रकार, नागरिक झाले हैराण.
लोकस्पर्श न्यूज नेटवर्क
डोंबिवली, दि. १५ एप्रिल: डोंबिवलीच्या फडके रोड येथील आय.डी.बी.आय बँकेतून गुडीपाडवाच्या दिवशी अनेकांच्या बँक खात्यातून परस्पर पैसे गेल्याची घटना घडली आहे.
आधीच कोरोनाचे संकट त्यातच नववर्षाच्या पहिल्या दिवशी आय.डी.बी.आय बँकेत सायबर हल्ला झाल्यामुळे बँक खातेदारांना जबर फटका बसला आहे. खातेदाराच्या सेविंग आकाऊंट, पेन्शन आकाऊंट मधून मोठमोठाली रक्कम गेल्याने नागरिक चांगलेच हैराण झाले आहेत. आता नागरिकांनी जवळील पोलीस स्थानकात धाव घेऊन याची तक्रार दाखल सुद्धा केली आहे. यासंदर्भात बँक प्रबंधकाना विचारलं असता वरिष्ठांकडे तक्रार दिली असल्याचे सांगितले. सायबर हल्ला कसा झाला याची चौकशी सुद्धा आम्ही करतो असेही त्यांनी सांगितले. मात्र कॅमेरा समोर बोलण्यास नकार दिला.
डोंबिवली च्या आयडीबीआय बँक च्या खातेदाराचे पैसे गेल्याची बातमी माध्यमांमध्ये आली व आता पर्यंत ३० जणांच्या तक्रारी आल्या असून पोलिसांनी देखील यासंदर्भात गुन्हा दाखल करण्याची प्रक्रिया सुरु केली आहे.
एटीम फ्रॉड झाल्याची माहिती डोंबिवली चे एसीपी जयराम मोरे यांनी सांगितले तर आयडीबीय बँक चे तीन कर्मचारी व एक सुरक्षा रक्षक यांचे पैसे खातेमधून गेल्याची माहिती मोरे यांनी दिली आहे.