लोकस्पर्श न्यूज नेटवर्क,
भाग क्र. २
आलापल्ली, दि. २६ फेब्रुवारी : शासनाचे बहुतांश विभागाच्या संकेतस्थळावर अद्यायावत केले जात असतात. मात्र वनविभागाला संकेतस्थळावरून अद्यायावतीकरणाचा विसर पडल्याचे दिसत आहे. या विभागाच्या संकेतस्थळावर दीर्घकाळापासून अद्यायावत न करण्यात आल्याने आजही या ठिकाणी सेवानिवृत्त व बदलून गेलेल्या अधिकाऱ्यांचीच नावे आणि छायाचित्रांचा बोलबाला दिसत आहे. त्यामुळे वनविभागाच्या या सावळ्या गोंधळामुळे कोणता अधिकारी नेमका कोणत्या विभागात कार्यरत आहे हे कळायला मार्ग नाही.
महाराष्ट्र वन विभागाच्या संकेतस्थळाची राष्ट्रीय माहिती विज्ञान केंद्राद्वारे डीझाइन, विकसित आणि देखभाल केली जाते.
गडचिरोली वनवृत्तात येत असलेल्या आलापल्ली वनविभागात ७ वनपरिक्षेत्र, ३१ क्षेत्र तर १६६ नियतक्षेत्र आहेत. भामरागड वनविभागात ५ वनपरिक्षेत्र, ३३ क्षेत्र तर ११० नियतक्षेत्र आहेत. सिरोंचा वनविभागात ८ वनपरिक्षेत्र, ३१ क्षेत्र तर १७५ नियतक्षेत्र आहेत. गडचिरोली वनविभागात ९ वनपरिक्षेत्र, ३७ क्षेत्र तर १५० नियतक्षेत्र आहेत. वडसा वनविभागात ८ वनपरिक्षेत्र, ३४ क्षेत्र तर १३५ नियतक्षेत्र आहेत. असे एकूण गडचिरोली वनवृत्तात ३७ वनपरिक्षेत्र, १६६ क्षेत्र तर ७३६ नियतक्षेत्र आहेत. अशी स्पष्ट माहिती वन विभागाच्या संकेतस्थळावर आढळून येते.
वन विभागाच्या संकेतस्थळावर अद्यायावत करून दिली जाते माहिती.
वन विभागाच्या संकेतस्थळावर एका क्लिकवर वनविभागाच्या कार्याबद्दल माहिती, बातम्या, अद्यतने, ई-निविदा, माहिती अधिकार, संपर्क तसेच वन विभागाच्या विविध विषयाशी निगडीत माहिती मिळते मात्र संपर्क या श्रेणीत भेट दिल्यानंतर ते अद्यायावत नसल्याचे दिसून येते.
आलापल्ली वनविभागातील काही अधिकाऱ्यांची बदली होऊन तर काही अधिकारी सेवानिवृत्त होऊन अनेक महिने लोटले तरीही त्यांचा नावाचा तपशील संकेतस्थळावर हटवलेला नाही. त्यांच्या जागी आलेला नवीन अधिकारी कोण? कोणाकडे अतिरिक्त कार्यभार हे देखील नमूद नाही.
वनविभागाच्या संकेतस्थळावर गतवर्षी ३१ ऑक्टोंबर २०२१ रोजी सेवानिवृत्त झालेले आलापल्ली वन विभागाचे उपवनसंरक्षक सी. आर. तांबे यांचे नाव व छायाचित्र आजही संकेतस्थळावर कायम आहे. त्याचप्रमाणे सहाय्यक वनसंरक्षक (तेंदू) एच. जी. मडावी हे सुध्दा सेवानिवृत्त होऊन वर्ष लोटत आले तरी त्यांचे नाव आणि छायाचित्र आजही कायम आहे.
त्यामुळे सेवानिवृत्त व बदली झालेल्या यांच्या जागी कोणता अधिकारी कार्यरत आहे. यांचे नाव शोधूनही सापडत नाही. त्यामुळे संकेतस्थळावर संपर्क शोधण्यासाठी घोर निराशा होते. एकीकडे ई-निविदा व विविध माहिती अद्ययावत करण्यासाठी वनविभागाला वेळ मिळते मात्र आपल्या विभागातीलच कार्यरत अधिकाऱ्यांची माहिती अद्ययावत करण्यासाठी वेळ मिळत नाही का? असा प्रश्न या ठिकाणी उभा राहतो.
त्यामुळे आजच्या तंत्रज्ञानाच्या युगातही वनविभाग आपल्या अधिकाऱ्यांची माहिती देण्यासाठी दुर्लक्षच करीत आहे. असे संकेतस्थळावर तपासतांना आढळते.
हे देखील वाचा :