लोकस्पर्श न्यूज नेटवर्क
मुंबई डेस्क : पर्यावरण मंत्री आदित्य ठाकरे यांच्या वाढदिवसानिमित्त आज डोंबिवली युवा सेनेतर्फे उस्मा पेट्रोल पंप येथे एक रुपयात एक लिटर पेट्रोल असा उपक्रम राबविण्यात आला.
यावेळी पेट्रोल भरण्यासाठी तरुणांची एकच रांग लागली होती. पेट्रोलचा दर आज एक लिटरला १०२ रुपये असतांना एक रुपयात एक लिटर पेट्रोल मिळत असल्याने नागरिकांनी पेट्रोल भरण्यासाठी एकच गर्दी केली होती.
आदित्य ठाकरे यांच्या वाढदिवसानिमित्त एक रुपये दराने एक लिटर पेट्रोल देऊन शिवसेनेच्या युवासेना पदाधिकाऱ्यांनी एक प्रकारे केंद्र सरकारला चपराक देण्याचा प्रयत्न केला आहे. तर दुसरीकडे अंबरनाथ पश्चिमेकडिल येथील विमको नाक्यावरील पेट्रोल पंपावर सकाळी ११ ते दुपारी १ वाजण्याच्या सुमारास येणाऱ्या वाहनचालकासाठी ५० रुपये लिटर ने पेट्रोल देण्यात आलं.
दरम्यान पेट्रोल-डिझेल दरवाढी विरोधात शिवसेनेने आक्रमक पवित्रा घेतला वारंवार शिवसेनेकडून आंदोलन सुरू आहेत. एकीकडे हे राजकारण सुरू असतांना नागरिकांना दोन तास का होईना पण आता १०२ रुपये लिटर असलेला पेट्रोल हे एक रुपये लिटरने मिळाल्याने थोडाफार का होईना पण दिलासा मिळाला होता.
हे देखील वाचा :
कोरोनाच्या पार्श्वभूमीवर विद्यार्थ्यांच्या हिताला प्राधान्य द्यावे – मंत्री विजय वडेट्टीवार
ओव्हरलोड तेंदूपत्ता बोदाची वाहतूक करणारा ट्रक आष्टी जवळील वैनगंगा नदीत कोसळून दोन ठार, तर एक जखमी