कोनसरीच्या १९ महिला एलएमईएल परिवारात दाखल

लोकस्पर्श न्यूज नेटवर्क

कोनसरी : कौशल्य विकासातून आत्मविश्वास वाढवत आणि महिला सक्षमीकरणाचा नवा अध्याय लिहित, लॉईड्स मेटल्स अँड एनर्जी लिमिटेड (एलएमईएल) ने कोनसरी गावातील १९ महिलांना आपल्या कुशल कार्यबलात सामावून घेतले. हलकी मोटार वाहने चालविण्याचे एलएमईएल-प्रायोजित प्रशिक्षण यशस्वीरित्या पूर्ण केल्यानंतर या महिलांचा कंपनीत औपचारिक समावेश करण्यात आला.

यंदाच्या जून महिन्यात, एलएमईएलने या महिलांना छिंदवाडा (म. प्र.) येथील अशोक लेलँड प्रशिक्षण केंद्रात ४५ दिवसांच्या निवासी प्रशिक्षणासाठी पाठवले होते. हलकी वाहने चालविण्याच्या कौशल्यासोबतच आत्मविश्वास, शिस्त आणि जबाबदारी या गुणांचा विकास या प्रशिक्षणाद्वारे साधला गेला. या यशामुळे त्यांच्या कुटुंबीयांनाही सार्थ अभिमान वाटत आहे.

व्हॉट्सअॅप ग्रुप ही लिंक वापरून जॉइन करा

कोनसरीतील लॉईड्स कौशल्य विकास आणि प्रशिक्षण केंद्रात झालेल्या स्वागत समारंभात महिलांना नियुक्तीपत्रे, प्रशिक्षण प्रमाणपत्रे, वाहनचालक परवाने आणि पुष्पगुच्छ देऊन सत्कार करण्यात आला.

या प्रसंगी एलएमईएलचे वरिष्ठ अधिकारी म्हणाले, “समुदाय सक्षमीकरण आणि कार्यबलातील समानता हेच आमच्या यशाचे आधारस्तंभ आहेत. व्यवस्थापकीय संचालक बी. प्रभाकरन यांच्या दृष्टीकोनातून, कौशल्य विकासाद्वारे स्थानिक महिलांना नवनव्या संधी उपलब्ध करून देण्याचा आमचा प्रयत्न आहे.”

टेलिग्राम बातम्यांसाठी लिंक क्लिक करा

एलएमईएल परिवारात सामील झालेल्या महिलांना शिस्त, सुरक्षितता आणि जबाबदारीने उच्च भूमिकांसाठी पात्र ठरून प्रगतीची शिडी चढण्याचा सल्लाही यावेळी देण्यात आला.