दर महिन्याच्या दुसर्‍या गुरुवारला सर्च रुग्णालयात एपिलेप्सी (मिर्गी) ओपीडी;

गडचिरोली:   धानोरा तालुक्यातील चातगाव येथील सर्च रुग्णालयात दर महिन्याच्या दुसर्‍या गुरुवारला दि. १२ डीसेंबर २०२४  रोजी  एपिलेप्सी (मिर्गी) ओपीडी नियोजित करण्यात आलेली असून सदर ओपीडी करिता नागपूरचे मेंदूविकार विशेषज्ञ नियमित आरोग्य  तपासणी करिता रुग्णालयात येत असतात.  एपिलेप्सी (मिर्गी) रुग्णांसाठी विशेष सुविधा देण्याकरिता आता रुग्णालयातर्फे सर्व रुग्णांना मोफत औषधोपचार व ईईजी (इलेक्ट्रोएन्सेफलोग्राम) तपासणीची सुविधा उपलब्ध करून दिली जाणार आहे.त्यामुळे रुग्णांना नियमित तपासणी आणि उपचारासाठी लागणारा मोठा खर्च कमी करता येणार आहे.

एपिलेप्सी रोगावरील उपचार न झाल्याने अनेक रुग्णांचे जीवनमान खालावते, सर्च रुग्णालयात विशेष तपासणी सुविधा सुरू झाल्याने अनेक रुग्णांची अवस्था सुधारत असून समाजात एपिलेप्सीबद्दल असलेल्या गैरसमजांना आळा बसेल. झटका येणे, शरीराच्या कोणत्याही भागात अचानक हालचाल होणे, शरीर कठोर होणे आणि थरथरणे. फक्त एका भागात हालचाल एक हात, पाय किंवा चेहऱ्याच्या भागात हालचाल होणे, मांसपेशींचे अचानक आकुंचन, झटक्यांसारख्या वेदनारहित हालचाली, शरीर पूर्णतः स्थिर होणे अचानक स्नायूंमध्ये शक्ती नसणे आणि पडणे. झटक्यानंतर स्मृतीभ्रंश किंवा विस्मृती होणे अशी लक्षणे असलेल्या रुग्णांकरिता उत्कृष्ट दर्जाची आरोग्य सुविधा पुरविण्याच्या उद्देशाने सर्च रुग्णालय विशेष आर्थिक सुविधा देत आहे.

डॉक्टरांनी लिहून दिलेल्या रुग्णांना एपिलेप्सी औषधी या १००% मोफत दिल्या जातात तसेच ईईजी तपासणी मोफत दरात करण्यात येते.गुरुवार १२ डिसेंबर २०२४ रोजी पुढील महिन्याची एपिलेप्सी ओपीडी नियोजित असून जास्तीत जास्त रुग्णांनी ओपीडीचा लाभ घ्यावा असे आवाहन सर्च रुग्णालया तर्फे करण्यात येत आहे.