Get real time updates directly on you device, subscribe now.
लोकस्पर्श न्यूज नेटवर्क
मुंबई, दि. २८ : राज्यातील नगरपरिषद आणि नगरपंचायतींच्या सार्वत्रिक निवडणुकांसाठी २ डिसेंबर २०२५ रोजी मतदान होणार आहे. त्या अनुषंगाने ‘महाराष्ट्र नगरपरिषद, नगरपंचायत व औद्योगिक नगरी अधिनियम, १९६५ मधील तरतुदीनुसार अधिकृत प्रचाराची मुदत १ डिसेंबर रोजी रात्री १० वाजेपर्यंत राहणार आहे.
राज्यातील स्थानिक स्वराज्य संस्थांच्या निवडणुका संबंधित कायद्यांनुसार घेतल्या जातात. त्याप्रमाणे मतदानाच्या आदल्या दिवशी रात्री १० वाजल्यापासून सर्व प्रकारचा प्रचार पूर्णतः बंद राहील. या कालावधीनंतर कोणत्याही उमेदवाराला सभा, मोर्चे, जाहीर कार्यक्रम किंवा ध्वनिक्षेपकाचा (लाउडस्पीकर) वापर करता येणार नाही.
व्हॉट्सअॅप ग्रुप ही लिंक वापरून जॉइन करा
त्याचबरोबर निवडणूक प्रचाराशी संबंधित कोणतीही जाहिरात, प्रसिद्धी वा प्रसारण माध्यमांद्वारे करणेही कायद्यानुसार प्रतिबंधित राहणार आहे.