भानामतीच्या संशयावरून दलित महिला – वृद्धाना दोरीने बांधून मारहाण

लोकस्पर्श न्यूज नेटवर्क

 चंद्रपूर २३ ऑगस्ट: चंद्रपूर जिल्ह्यातील जीवती या तालुक्याच्या ठिकाणावरून १२ किमी अंतरावरील दुर्गम भागात असलेल्या  वणी खुर्द या गावात जादूटोणा केल्याच्या संशयावरून गावकऱ्यांनी दलित समाजातील महिला , वयोवृद्धांना भरचौकात हातपाय बांधून जबर मारहाण केली . या घटनेत ७ जण जखमी झाले असून पाच गंभीर जखमींना चंद्रपूर जिल्हा रुग्णालयात हलवण्यात आले आहे . अत्यंत संतापजनक आणि माणुसकीला कलंकित करणारी ही घटना घडली .

याची माहिती पोलिसांना होताच पोलिस घटना स्थळी दाखल झाली .पोलिसांनी काही लोकांविरुद्ध गुन्हा दाखल केला असला तरी घटनेबाबत प्रचंड गोपनीयता बाळगण्यात येत आहे . त्यामुळे चोवीस तास उलटूनही या गंभीर प्रकाराची कुठेही वाच्यता झाली नाही . किती लोकांवर गुन्हा दाखल करण्यात आला . कुणाला अटक करण्यात आली का , याबाबत काहीही माहिती देण्यास स्थानिक पोलिसांनी नकार दिला . मारहाण झालेले कुटुंब दलित असले तरी मारहाण करणाऱ्यांमध्ये सर्वजातीय सहभाग असल्याचे बोलले जाते . या घटनेची माहिती झाल्यानंतर   गावाबाहेर पोलिसांचा चोखबंदोबस्त आहे, सद्या स्थिति शांति पूर्वक असून , गावात कोणाला ही जाऊ देत् नसल्याची माहिती आहे.

व्हॉट्सअॅप ग्रुप ही लिंक वापरून जॉइन करा