राज्याचे पालकमंत्री घोषित, मुख्यमंत्री देवेंद्र फडणवीस यांच्याकडे गडचिरोली.

लोकस्पर्ष न्यूज नेटवर्क 

राज्य सरकारनं राज्यातल्या ३६ जिल्ह्यांसाठी पालकमंत्र्यांची यादी जाहीर केली. मुख्यमंत्री देवेंद्र फडणवीस गडचिरोली जिल्ह्याचे पालकमंत्री असतील. उपमुख्यमंत्री एकनाथ शिंदे यांनी ठाणे आणि मुंबई शहराचे पालकमंत्री असतील, तर उपमुख्यमंत्री अजित पवार पुणे आणि बीड या जिल्ह्याचे पालकमंत्री असतील. उद्योगमंत्री उदय सामंत यांच्यावर रत्नागिरी जिल्ह्याच्या पालकमंत्री पदाची जबाबदारी आहे. तर मुंबई उपनगराची जबाबदारी मंत्री आशिष शेलार आणि मंत्री मंगल प्रभात लोढा यांच्यावर देण्यात आली आहे.

चंद्रशेखर बावनकुळे यांच्याकडे नागपूर आणि अमरावती जिल्ह्याच्या पालकमंत्री पदाची जबाबदारी देण्यात आली आहे. अहिल्यानगर जिल्ह्याचं पालकमंत्रीपद राधाकृष्ण विखे पाटील यांच्याकडे, हसन मुश्रीफ यांच्याकडे वाशिम, चंद्रकांत पाटील यांच्याकडे सांगली, गिरीश महाजन यांच्याकडे नाशिक, गणेश नाईक यांच्याकडे पालघर, गुलाबराव पाटील यांच्याकडे जळगाव, संजय राठोड यांच्याकडे यवतमाळ जिल्ह्याच्या पालकमंत्री पदाची जबाबदारी दिली आहे.

व्हॉट्सअॅप ग्रुप ही लिंक वापरून जॉइन करा

उदय सामंत रत्नागिरी, जयकुमार रावल धुळे, पंकजा मुंडे जालना, अतुल सावे नांदेड, अशोक उइके चंद्रपूर, शंभूराज देसाई सातारा, आदिती तटकरे रायगड, शिवेंद्र राजे- भोसले लातूर तर माणिकराव कोकाटे यांच्याकडे नंदूरबार जिल्ह्याचं पालकमंत्रीपद असणार आहे. जयकुमार गोऱ्हे सोलापूर, नरहरि झिरवाळ हिंगोली, संजय सावकारे भंडारा, संजय शिरसाट छत्रपती संभाजी नगर, प्रताप सरनाईक धाराशिव, मकरंद जाधव बुलडाणा, नितेश राणे सिंधुदुर्ग, आकाश फुंडकर अकोला, तर बाबासाहेब पाटील यांची गोंदिया जिल्ह्याच्या पालकमंत्रीपदी नियुक्ती झाली आहे. कोल्हापूर जिल्ह्याच्या पालकमंत्रीपदी प्रकाश आबिटकर तसंच सहपालकमंत्रीपदी माधुरी मिसाळ असणार आहे. पंकज भोयर यांची वर्ध्याच्या तर मेघना साकोरे-बोर्डीकर यांची परभणी जिल्ह्याच्या पालकमंत्रीपदी नियुक्ती झाली आहे. गडचिरोली जिल्ह्याच्या सहपालकमंत्रीपदी अॅड. आशिष जयस्वाल असणार आहेत.