नक्षलग्रस्त हेडरी येथे पोलीस भगिनी व स्थानिकांसोबत पालकमंत्री एकनाथ शिंदे यांनी साजरा केला रक्षाबंधनाचा सण

लोकस्पर्श न्यूज नेटवर्क

गडचिरोली २२ ऑगस्ट: गडचिरोली जिल्ह्यातील नक्षली कारवायांचे केंद्र असलेल्या अतिसंवेदनशील एटापल्ली तालुक्यातील हेडरी येथील पोलीस आउटपोस्टला भेट देऊन पोलीस दलात कार्यरत असलेल्या महिला पोलीस, पोलीस कुटूंबातील महिला आणि स्थानिक आदिवासी महिलांकडून राखी बांधून घेत रक्षाबंधनाचा सण जिल्ह्याचे पालकमंत्री तथा नगर विकास मंत्री एकनाथ शिंदे यांनी साजरा केला. याप्रसंगी उपस्थित सर्व महिला भगिनींना त्यांनी शुभेच्छा दिल्या.

व्हॉट्सअॅप ग्रुप ही लिंक वापरून जॉइन करा

यासमयी नक्षली कारवायांचा धोका पत्करून कर्तव्य बजावणाऱ्या पोलीस बांधव आणि भगिनींना ते करत असलेल्या कामाबद्दल त्यांचे आभार मानले तसेच त्यांना कर्तव्य बजावताना येणाऱ्या सर्व समस्या सोडवण्याचे सर्वतोपरी प्रयत्न केले जातील असे आश्वासन त्यांनी यावेळी  दिले.

यावेळी गडचिरोली जिल्ह्याचे पोलीस उप महानिरीक्षक संदीप पाटील, गडचिरोली जिल्ह्याचे पोलीस अधीक्षक अंकित गोयल, गडचिरोलीचे जिल्हाधिकारी दीपक सिंगला आणि सर्व पोलीस बांधव त्यांचे कुटूंबीय आणि स्थानिक नागरिक उपस्थित होते.

टेलिग्राम बातम्यांसाठी लिंक क्लिक करा

हे देखील वाचा:

गडचिरोली जिल्हाचा कायापालट झाल्याचा बघायचंय -पालकमंत्री एकनाथ शिंदे

जिल्हाच्या विकासासाठी निधी कमी पडू देणार नाही,जिल्हा नियोजन समितीच्या बैठकीत पालकमंत्री एकनाथ शिंदेची ग्वाही