चंद्रपूर जिल्ह्यात 15 मृत्युसह आज 2126 कोरोनामुक्त तर 1508 कोरोनाबाधित

लोकस्पर्श न्यूज नेटवर्क

चंद्रपूर, दि. 6 मे : जिल्ह्यात मागील 24 तासात 2126 जणांनी कोरोनावर मात केल्याने त्यांना रुग्णालयातून सुट्टी देण्यात आली आहे, तर 1508 कोरोना बाधीत रुग्णांची नव्याने भर पडली असून 15 बाधीतांचा मृत्यू झाला आहे.

जिल्ह्यात आतापर्यंत एकूण बाधितांची संख्या 67 हजार 939 वर पोहोचली आहे. तसेच सुरवातीपासून आतापर्यंत बरे झालेल्यांची संख्या 50 हजार 805 झाली आहे. सध्या 16 हजार 98  बाधितांवर उपचार सुरू आहेत. आतापर्यंत 4 लाख 1 हजार 153  नमुन्यांची तपासणी करण्यात आली असून त्यापैकी 3 लाख 27 हजार 986 नमुने निगेटीव्ह आले आहेत.

व्हॉट्सअॅप ग्रुप ही लिंक वापरून जॉइन करा

आज मृत झालेल्यामध्ये चंद्रपूर शहरातील जीवन ज्योती कॉलनी परिसरातील 51 वर्षीय पुरुष, नगीना बाग येथील 72 वर्षीय महिला, बालाजी वार्ड परिसरातील 83 वर्षीय महिला, तुकूम परिसरातील 48 वर्षीय पुरुष, बल्लारपूर तालुक्यातील 53 व 60 वर्षीय महिला, राजुरा तालुक्यातील बामणवाडा येथील 34 वर्षीय पुरुष, वरोरा तालुक्यातील शेगाव येथील 56 वर्षीय पुरुष, मूल तालुक्यातील 45 वर्षीय पुरुष, 70 वर्षीय पुरुष, कोरपना तालुक्यातील आवाळपूर येथील 58 वर्षीय पुरुष, सिंदेवाही तालुक्यातील लोणवाही येथील 78 वर्षीय पुरुष, नागभीड तालुक्यातील 82 वर्षीय पुरुष, वणी-शिवपुर येथील 67 वर्षीय पुरुष, मारेगाव-यवतमाळ येथील 65 वर्षीय पुरुषाचा समावेश आहे.

जिल्ह्यात आतापर्यंत 1036 बाधितांचे मृत्यू झाले असून यापैकी चंद्रपूर जिल्ह्यातील 957, तेलंगणा एक, बुलडाणा एक, गडचिरोली 30, यवतमाळ 33, भंडारा 10 , गोंदिया एक आणि वर्धा एक, नागपूर येथील दोन बाधिताचा समावेश आहे.

टेलिग्राम बातम्यांसाठी लिंक क्लिक करा

आज बाधीत आलेल्या 1508 रुग्णांमध्ये चंद्रपूर महानगर पालीका क्षेत्रातील 466, चंद्रपूर तालुका 152 , बल्लारपूर 127, भद्रावती 108, ब्रम्हपुरी 56, नागभिड 26, सिंदेवाही 42, मूल 76, सावली 42, पोंभूर्णा 03, गोंडपिपरी 37, राजूरा 52, चिमूर 49, वरोरा 118, कोरपना 119,  जिवती 22 व इतर ठिकाणच्या 13 रुग्णांचा समावेश आहे.

नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच 45 वर्षावरील सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे. असे आवाहन जिल्हाधिकारी अजय गुल्हाने यांनी केले आहे.

हे देखील वाचा : 

लसीकरण केंद्रातील गर्दीमुळे केंद्राच कोरोना हॉटस्पॉट होण्याची भीती – विरोधी पक्षनेते प्रविण दरेकर

राज्य शासनाने पत्रकारांना कोरोना योद्ध्याचा दर्जा द्यावा – केंद्रीय राज्यमंत्री रामदास आठवले