लोकस्पर्श न्यूज नेटवर्क
गडचिरोली : प्रधानमंत्री नरेंद्र मोदी यांच्या हस्ते ११ ऑक्टोबर २०२५ रोजी नवी दिल्लीतील भारतरत्न सी. सुब्रमण्यम सभागृह, पुसा येथे प्रधानमंत्री धन–धान्य कृषी योजनेचा शुभारंभ होणार आहे.
महाराष्ट्रात राज्यस्तरीय कार्यक्रम कृषिमंत्री दत्तात्रय भरणे यांच्या अध्यक्षतेखाली पुणे जिल्हा मध्यवर्ती सहकारी बँक सभागृहात आयोजित असून ३०० हून अधिक प्रगतिशील शेतकरी सहभागी राहणार आहेत. कृषिमंत्री दत्तात्रय भरणे यांनी सर्व शेतकऱ्यांना कार्यक्रमात सहभाग नोंदविण्याचे आवाहन केले आहे.
व्हॉट्सअॅप ग्रुप ही लिंक वापरून जॉइन करा
गडचिरोली जिल्ह्यात हा कार्यक्रम जिल्हा नियोजन सभागृहात जिल्हाधिकारी अविश्यांत पंडा यांच्या प्रमुख उपस्थितीत पार पडणार असून दिल्ली येथील मुख्य कार्यक्रमाचे थेट प्रक्षेपणही करण्यात येणार आहे. यावेळी जिल्ह्यातील कृषी अधिकारी, शेतकरी प्रतिनिधी आणि लोकप्रतिनिधी उपस्थित राहणार आहेत.
केंद्र शासनाने कमी उत्पादकता, सिंचन क्षमता व पतपुरवठ्याच्या अडचणी असलेल्या १०० आकांक्षित जिल्ह्यांमध्ये गडचिरोली, पालघर, रायगड, धुळे, छत्रपती संभाजीनगर, बीड, नांदेड, यवतमाळ आणि चंद्रपूर यांचा समावेश केला आहे. या योजनेद्वारे देशभरातील ३६ हून अधिक केंद्र व राज्यस्तरीय कृषी योजना अभिसरण करून पिकांची उत्पादकता वाढविणे, उत्पादनाची शाश्वतता सुनिश्चित करणे तसेच काढणीनंतरची तंत्रज्ञान व पतपुरवठा व्यवस्था मजबूत करणे उद्दिष्ट आहे.
टेलिग्राम बातम्यांसाठी लिंक क्लिक करा
कार्यक्रमाचे थेट प्रक्षेपण https://pmindiawebcast.nic.in या लिंकवर उपलब्ध असून जिल्हा मुख्यालय, तालुका मुख्यालय, ग्रामपंचायती, प्रधानमंत्री किसान समृद्धी केंद्रे, कृषी उत्पन्न बाजार समित्या आणि प्राथमिक कृषि पतसंस्था (PACS) येथे प्रक्षेपणाचे आयोजन करण्यात आले आहे.