नक्षल्यांनी केली माजी सभापतीची गळा दाबून हत्या..

छत्तीसगड सीमेवरील पेनगुंडा व पाठोपाठ नेलगुंडा येथे पोलिस मदत केंद्र स्थापन केल्याने बिथरलेल्या नक्षल्यांनी कियेर (ता. भामरागड) येथील माजी पंचायत समिती सभापती सुखदेव मडावी (४५) यांची हत्या केली.

लोकस्पर्श न्यूज नेटवर्क,

गडचिरोली : भामरागड तालुक्यातील फक्तं १२ किमी अंतरावर असलेल्या कियेर येथील भामरागड येथील माजी पंचायत समिती सभापती सुखदेव मडावी (४५) यांची हत्या केल्याची घटना २ फेब्रुवारीला सकाळी गावालगत मृतदेह आढळला. मृतदेहाजवळ नक्षल्यांनी एक पत्रक टाकले. त्यात मृत व्यक्तीने पेनगुंडा येथे पोलिस मदत केंद्र उघडण्यासाठी पोलिसांना मदत केल्याचा संशय व्यक्त केला आहे.

व्हॉट्सअॅप ग्रुप ही लिंक वापरून जॉइन करा

या घटनेने एकच खळबळ उडाली. अतिदुर्गम भागाती नक्षलवाद्यांचा बालेकिल्ला राहिलेल्या परिसरात त्यांच्या नाकावर टिच्चून पोलिसांनी अवघ्या एका दिवसात पोलिस मदत केंद्र उभारण्याची किमया केली. डिसेंबर महिन्यात पेनगुंडा गावाजवळ पोलिस मदत केंद्र सुरु करण्यात आले. त्यानंतर नेलगुंडा येथे ३० जानेवारीला पोलिस मदत केंद्र उघडण्यात आले. यामुळे छत्तीसगडमधून गडचिरोली जिल्ह्यात सहज प्रवेश करणाऱ्या माओवाद्यांची नाकाबंदी झाली होती.

नक्षल्यांच्या प्रभाव क्षेत्रात पोलिसांची सुरक्षा व्यवस्था मजबूत होत असल्याने हिंसक चळवळीला मोठा धक्का बसला होता. दरम्यान, १ फेब्रुवारीला रात्री तीन नक्षल्यांनी कियेर गावातून माजी पंचायत समिती सभापती सुखदेव मडावी यांना उचलले व जंगलात नेले. तेथे त्यांची गळा दाबून हत्या केली. मृतदेहाजवळ टाकलेल्या पत्रकात सुखराम मडावी हे पोलिसांचे खबरी असल्याचा दावा केला आहे. कंपनी क्र. १० वर संशय दरम्यान, भामरागड परिसरात माओवाद्यांच्या कंपनी क्र. सध्या ८ जण सक्रिय आहेत. त्यातील तिघांनी हे कृत्य केल्याचा पोलिसांना संशय आहे.

टेलिग्राम बातम्यांसाठी लिंक क्लिक करा

मृतदेह ताब्यात घेऊन पोलिसांनी तपास सुरू केला आहे. तथापि, या भागात गेल्या काही वर्षांत पोलिसांनी नक्षल्यांविरोधात धडक कारवाया केल्या, त्यात जहाल माओवाद्यांना कंठस्नान घालण्यात आले तर काहींनी आत्मसमर्पण केले. मृत व्यक्ती पोलिसांचा खबरी नव्हता.

मृतदेहाजवळ सापडलेल्या पत्रकावरून तपास सुरू केला आहे. परिसरात नक्षलविरोधी अभियान गतिमान करण्यात आले आहे.

नीलोत्पल, पोलिस अधीक्षक