विजापूर चकमकीत २२ जवान शहीद, ९ नक्षलवाद्याचा मृत्यू

• छत्तीसगडमधील विजापूर आणि सुकमाच्या सीमेवर सुरक्षा दलांवर झालेल्या नक्षलवादी हल्ल्यात 22 सैनिक शहीद झाले आहेत. विजापूरचे पोलीस अधीक्षक कमलोचन कश्यप यांनी ही माहिती दिली.

• शनिवारी विजापूर आणि सुकमा जिल्ह्याच्या सीमेवर जग्गुंडा पोलिस स्टेशन परिसरातील जोनागुडा गावाजवळ सुरक्षा दलातील आणि नक्षलवाद्यांमधील चकमकी सुमारे पाच तास चालली.

लोकस्पर्श न्यूज नेटवर्क

रायपूर, दि. ४ एप्रिल:  छत्तीसगडच्या विजापूरमध्ये नक्षलवादी हल्ल्यात आतापर्यंत २२ सैनिकांचे मृतदेह हाती लागले आहेत. त्याचवेळी, एक जवान अद्याप बेपत्ता आहे. या हल्ल्यात एकूण ३२ सैनिक जखमी झाले असून, विजापूर रूग्णालयात २५ सैनिकांवर उपचार सुरू आहेत. त्याचबरोबर छत्तीसगड पोलिसांनीही ९ नक्षलवाद्यांचा खात्मा केल्याचा दावा केला आहे. तसेच पोलिस अधिकाऱ्यांच्या म्हणण्यानुसार सुरक्षा दलाने घटनास्थळावरून एका महिला नक्षलवाद्याचा मृतदेहही ताब्यात घेतला आहे.

शुक्रवारी रात्री केंद्रीय राखीव पोलिस दलाच्या कोब्रा बटालियन, डी.जी.जी. आणि विजापूर व सुकमा जिल्ह्यातील एसटीएफची संयुक्त टीम नक्षलविरोधी कारवाईत रवाना झाली. विजापूर जिल्ह्यातील तारेम, उसूर, सुकमा जिल्ह्यातील मिनापा आणि नरसपुरम येथून सुमारे दोन हजार सैनिक नक्षलविरोधी कारवाईत सहभागी झाले होते.

#WATCH | On ground visuals from the site of Naxal attack at Sukma-Bijapur border in Chhattisgarh; 22 security personnel have lost their lives in the attack pic.twitter.com/nulO8I2GKn

— ANI (@ANI) April 4, 2021

शनिवारी दुपारी १२ वाजेच्या सुमारास नक्षलवाद्यांची पीएलजीए बटालियन आणि सीमा येथे सुकमा जिल्ह्यातील जग्गुंडा पोलिस स्टेशन परिसरातील जोनागुडा गावाजवळील तारेमच्या सुरक्षा दलांमध्ये चकमकी झाली, अशी माहिती पोलिस अधिकाऱ्यांने दिली. विजापूर-सुकमा जिल्ह्यात ही चकमक सुमारे तीन तासांहून अधिक काळ चालली. मिळालेल्या माहितीनुसार, चकमकीत कोब्रा बटालियनचा एक जवान, बस्तरिया बटालियनचे दोन जवान आणि डीआरजीचे दोन जवान (एकूण पाच जवान) यांचा मृत्यू झालेला आहे.