Get real time updates directly on you device, subscribe now.
लोकस्पर्श न्यूज नेटवर्क
गडचिरोली: राज्य निवडणूक आयोगाने जारी केलेल्या ताज्या निर्देशांनुसार जिल्ह्यातील चार नगरपरिषद प्रभागांची निवडणूक तात्पुरती स्थगित करण्यात आली आहे. ४ नोव्हेंबर २०२५ रोजी जाहीर झालेल्या सार्वत्रिक निवडणूक कार्यक्रमानुसार मतदान प्रक्रिया निश्चित असली, तरी संबंधित प्रभागांशी निगडित अपीलांचे निकाल २३ नोव्हेंबरनंतर जाहीर झाल्याने ही स्थगिती अनिवार्य ठरली आहे.
आयोगाने स्पष्ट केले आहे की ज्या नगर परिषद किंवा नगर पंचायतीमध्ये प्रलंबित अपीलांचा निवाडा निवडणूक कार्यक्रम घोषित झाल्यानंतर झाला आहे, त्या प्रभागांमध्ये निश्चित केलेल्या वेळापत्रकानुसार निवडणूक घेता येणार नाही. तसेच, जर अशा प्रकरणात वादग्रस्त जागेचा संबंध अध्यक्षपदाशी असेल तर संपूर्ण नगरपरिषद निवडणूक स्थगित करण्याचे निर्देश आयोगाने २९ नोव्हेंबर रोजी जारी केले.
व्हॉट्सअॅप ग्रुप ही लिंक वापरून जॉइन करा
सदर आदेशान्वये गडचिरोली नगरपरिषदेतील प्रभाग क्रमांक १अ, ४ब आणि ११ब, तसेच आरमोरी नगरपरिषदेतील प्रभाग क्रमांक १०अ येथील निवडणुका पुढे ढकलण्यात आल्या आहेत. या प्रभागांसाठी सुधारित निवडणूक कार्यक्रम स्वतंत्रपणे जाहीर करण्यात येईल, अशी माहिती जिल्हाधिकारी अविश्यांत पंडा यांनी दिली.
न्यायालयीन प्रक्रियेला पूर्णत्व आल्याशिवाय निवडणूक पारदर्शक व निर्दोष पद्धतीने पार पाडणे शक्य नसल्याने आयोगाने घेतलेला हा निर्णय प्रशासनात शिस्तबद्धता व प्रामाणिकता कायम ठेवण्याच्या दृष्टीने महत्त्वाचा मानला जात आहे.
टेलिग्राम बातम्यांसाठी लिंक क्लिक करा