वर्धा जिल्ह्यातील वायगाव येथील हळद पोहोचणार थेट दुबईला.

लोकस्पर्श न्यूज नेटवर्क 

समृद्ध तांदुळधार तालुक्यातील वायगाव येथील जैविक हळदीला मिळाले भौगोलिक मानांकन; औषधी गुणधर्मांमुळे दुबईच्या बाजारपेठेची झाली मागणी

वायगाव (ता. समृद्ध): वर्धा जिल्ह्यातील वायगाव हे गाव आता केवळ शेतीतच नाही, तर आंतरराष्ट्रीय स्तरावरही नावारूपाला येत आहे. येथील शेतकऱ्यांनी जैविक पद्धतीने पिकवलेली हळद आता थेट दुबईच्या बाजारपेठेत जाणार आहे. यामागे येथील हळदीच्या खास औषधी गुणधर्मांचे मोठे योगदान आहे.

व्हॉट्सअॅप ग्रुप ही लिंक वापरून जॉइन करा

सदर हळद उत्पादनासाठी भौगोलिक मानांकन प्राप्त झाले असून, २०१६ मध्ये या मानांकनासाठी प्रक्रिया सुरू झाली होती. अखेर २०२४ मध्ये ‘जी.आय. टॅग’ प्राप्त झाल्यानंतर वायगावच्या हळदीला अधिकृत ओळख मिळाली. विशेष म्हणजे, वायगावची ही हळद केवळ सौंदर्य किंवा खाद्यपदार्थांसाठीच नव्हे, तर तिच्या औषधी उपयोगामुळे ही हळद वैद्यकीय क्षेत्रातदेखील मागणीला आहे.

या हळदीचे दुबईमध्ये पहिलेच वेगवेगळ्या औषधी कंपन्यांकडून मोठ्या प्रमाणात मागणी झाली असून, सुमारे ५.५ मेट्रिक टन हळद दुबईला निर्यात होणार आहे. ही कामगिरी शक्य झाली ती कृषी उत्पन्न कंपनी ‘लिमिटलेस’, ‘वायगाव कृषी उत्पन्न संस्था’ आणि ‘निराद कृषी उत्पादक कंपनी लिमिटेड’ यांच्या संयुक्त प्रयत्नातून.

टेलिग्राम बातम्यांसाठी लिंक क्लिक करा

हळदीच्या हंगामात शेतकऱ्यांनी जी मेहनत घेतली, ती आता फळाला आली आहे. अॅग्रो पी.डी.सी.एस., यूनिकर्सल एक्सपोर्ट्स यांच्याद्वारे संपूर्ण प्रक्रिया पार पडली असून, ‘जैविक व सुरक्षित हळद’ या ब्रँड खाली या हळदीची निर्यात केली जाणार आहे.

वायगाव हळदीची वैशिष्ट्ये –

वायगावची हळद ही गडद पिवळसर रंगाची असून, तिचा कस कश्यरी आणि कुरकुमीन युक्त रसायनांमुळे अधिक दाट व औषधी गुणधर्म असलेला असतो. ही हळद ६ टक्क्यांहून अधिक कुरकुमीनयुक्त असल्याने शरीरासाठी अत्यंत लाभदायक मानली जाते. अशक्तपणा, त्वचेचे विकार, रक्तशुद्धी अशा अनेक आजारांवर ही हळद उपयुक्त ठरते.

तसेच, येथे लागवड केलेली हळद नैसर्गिक पद्धतीने तयार केली जाते. त्यामुळे त्यात कोणत्याही प्रकारचे रासायनिक घटक नसतात. हे वैशिष्ट्यच वायगावच्या हळदीला इतर हळदींपेक्षा वेगळं ठरवतं.

हवामान आणि मातीचा अद्वितीय संगम –समृद्ध तालुक्याच्या हवामानात वायगावसारख्या भागात हळदीसाठी अनुकूल परिस्थिती आहे. येथे दरवर्षी जवळपास १६९.४० मेट्रिक टन हळद उत्पादन होते. १०० हेक्टर क्षेत्रावर हळदीची लागवड केली जाते. विशेषतः, कोरडवाहू आणि काळी माती ही हळद पिकवण्यासाठी अत्यंत उपयुक्त मानली जाते.