ड्रग्ज कनेक्शन बॉलिवूड अभिनेता अर्जुन रामपालच्या घरात एनसीबीचा छापा, कार चालक ताब्यात.

लोकस्पर्श न्यूज नेटवर्क

सुशांतसिंह राजपूतच्या मृत्यू प्रकरणात ड्रग्ज अँगल समोर आल्यानंतर नारकोटिक्स कंट्रोल ब्युरो (एनसीबी) या प्रकरणाचा तपास करत आहे. आता या प्रकरणाच्या संदर्भात एनसीबीच्या टीमने बॉलिवूड अभिनेता अर्जुन रामपालच्या घरी छापा टाकला आहे. अर्जुनच्या घरी एनसीबीला काही सापडलं की नाही हे अद्याप कळू शकलेलं नाही.

एनसीबीने अर्जुन रामपालची गर्लफ्रेंड गॅब्रिएला डेमेट्रिएड्सचा भाऊ अगिसियालोस डेमेट्रिएड्स याला अटक केली. ड्रग्ज बाळगल्याबद्दल आणि विकल्याच्या गुन्ह्या अंतर्गत त्याला तुरुंगात पाठवलं. अलीकडेच अशी बातमी मिळाली होती की अगिसियालोसला न्यायालयाकडून जामीन मिळाल्यानंतर एनसीबीने त्याला पुन्हा ताब्यात घेतलं. एनसीबीच्या टीमने स्पष्ट केलं की अगिसियालोसचे संबंध त्या ड्रग्ज पेडलर्ससोबत होते ज्यांच्याकडून रिया, शौविक, दिपेश सावंत आणि सॅम्युअल मिरांडा यांनी सुशांतसाठी ड्रग्ज विकत घेतले होते.

व्हॉट्सअॅप ग्रुप ही लिंक वापरून जॉइन करा

आतापर्यंत झाली या बॉलिवूड सेलिब्रिटींची चौकशी

एक दिवस आधी एनसीबीने बॉलिवूडमधील प्रसिद्ध निर्माता फिरोज नाडियाडवाला यांच्या घरातून गांजा ताब्यात घेतला होता. या प्रकरणी त्यांनी फिरोज यांच्या पत्नीलाही अटक केली. एनसीबीने रिया चक्रवर्ती व्यतिरिक्त दीपिका पादुकोण, श्रद्धा कपूर, सारा अली खान, रकुलप्रीत सिंग आणि दीपिकाची माजी मॅनेजर करिश्मा प्रकाश यांची चौकशी केली आहे. एनसीबीला करिश्माच्या घरातून चरस आणि सीबीडी तेलदेखील मिळालं होतं. याशिवाय एनसीबीने धर्मा प्रोडक्शन्सचा माजी कार्यकारी निर्माता क्षितिज प्रसादलाही अटक केली आहे.

टेलिग्राम बातम्यांसाठी लिंक क्लिक करा