गडचिरोली व देसाईगंज नगर परिषदेच्या प्रभाग रचनेच्या मसुद्यावर नागरिकांच्या हरकती सूचना मागविल्या

लोकस्पर्श न्यूज नेटवर्क,  

गडचिरोली 09मार्च: जिल्हाधिकारी, गडचिरोली यांना प्रदान करण्यात आलेल्या अधिकाराचा वापर करुन संजय मीणा जिल्हाधिकारी, गडचिरोली यांनी राज्यातील माहे एप्रिल 2020 ते मार्च 2022 या कालावधीत मुदत समाप्त झालेल्या गडचिरोली जिल्ह्यातील नगरपरिषद, गडचिरोली व देसाईगंज येथील सदस्य पदांच्या सार्वत्रिक निवडणुकांसाठी नगरपरिषद क्षेत्र जितक्या प्रभागात विभागण्यात येईल, त्या प्रभागांची संख्या व त्याची व्याप्ती परिशिष्ट-2 व (हद्दीची व्याप्ती व वर्णन) आणि प्रभागदर्शक नकाशे निर्दिष्ट करण्याचे ठरवित असून जनतेच्या माहितीसाठी जिल्हाधिकारी कार्यालयाचे सुचना फलकावर, नगर परिषद, गडचिरोली व देसाईगंज तसेच तहसिल कार्यालय, गडचिरोली व देसाईगंजच्या सूचना फलकावर दिनांक 10 मार्च 2022 (गुरुवार) रोजी प्रसिद्ध करण्यात येत आहे.

गडचिरोली जिल्ह्यातील नगरपरिषद, गडचिरोली व देसाईगंज क्षेत्रातील सर्व रहिवाश्यांच्या माहितीकरीता प्रसिद्ध करण्यात येत असलेल्या प्रभाग रचनेच्या  मसुद्यावर दिनांक 10 मार्च 2022 (गुरुवार) ते 17 मार्च 2022 (गुरुवार) पर्यंत कार्यालयीन वेळेत हरकती व सूचना मागविण्यात येत आहेत. उक्त प्रभाग रचनेच्या मसुद्यास ज्या लोकांच्या काही हरकती/ सूचना असतील त्यांनी त्या पुराव्यासह संबंधित उपजिल्हाधिकारी/ उपविभागीय अधिकारी/मुख्याधिकारी यांचेकडे दिनांक 17 मार्च 2022 (गुरुवार) रोजी किंवा तत्पुर्वी  कार्यालयीन वेळेत लेखी स्वरुपात सादर कराव्यात. उक्त तारखेनंतर आलेल्या हरकती/ सूचना विचारात घेण्यात येणार नाही. विहीत कालावधीत प्राप्त झालेल्या हरकती व सुचनांवर सुनावणी दिनांक 22 मार्च 2022 (मंगळवार) पर्यंत घेण्यात येईल, याची सर्व संबंधीतांनी नोंद घ्यावी असे जिल्हाधिकारी, गडचिरोली  संजय मीणा यांनी कळविले आहे.

व्हॉट्सअॅप ग्रुप ही लिंक वापरून जॉइन करा