राज्यपाल भगतसिंह कोश्यारी यांचे ‘आयआयएम’ सोहळ्यासाठी आज नागपूरात आगमन

By Loksparsh Team Last updated May 7, 2022

Get real time updates directly on you device, subscribe now.

लोकस्पर्श न्यूज नेटवर्क,

नागपूर, दि. ७ मे : मिहान परिसरातील इंडियन इन्स्टिट्यूट ऑफ मॅनेजमेंट ( आयआयएम ) नागपूरच्या नव्या इमारतीचे उद्घाटन उद्या राष्ट्रपती रामनाथ कोविंद यांच्या हस्ते होणार आहे.त्यासाठी आज राज्यपाल भगतसिंह कोश्यारी यांचे सायंकाळी ६ वाजता नागपूर विमानतळावर आगमन झाले.

मिहान परिसरातील ‘आयआयएम’च्या नव्या कॅम्पसचे सकाळी १० वाजता उद्घाटन होणार आहे. या सोहळ्यास ते उपस्थित राहतील.
आज विमानतळावर त्यांचे विभागीय आयुक्त माधवी खोडे -चवरे, पोलीस आयुक्त अमीतेश कुमार, जिल्हाधिकारी आर. विमला, विशेष पोलीस महानिरिक्षक छेरिंग दोरजे, पोलीस अधीक्षक विजय मगर यांनी स्वागत केले.