अल्पवयीन मुलीच गर्भपात प्रकरण : डॉ. कदम यांच्या कारनाम्यानंतर मंत्रालय अलर्ट

लोकस्पर्श न्यूज नेटवर्क, 

वर्धा, दि. ३ फेब्रुवारी : वर्धा जिल्ह्यातील आर्वी येथील गर्भपात प्रकरणानंतर राज्याचे गृहमंत्री, आरोग्य मंत्री आणि विधान परिषदेच्या उपसभापती नीलम गोऱ्हे यांनी राज्यातील उच्चपदस्थ अधिकाऱ्यांची आभासी पद्धतीने ऑनलाईन बैठक घेतली. बैठकीत आरोग्य मंत्री राजेश टोपे यांनी एमटीपी आणि पीसीपीएनडीटी कायद्याबाबत सार्वजनिक आरोग्य विभाग, गृह व न्याय विभगाचे संयुक्त प्रशिक्षण आयोजित करुन पॉस्को कायद्याबाबत जनजागृती करण्याच्या सूचना केली असून उपसभापती नीलम गोऱ्हे यांनी एमटीपी कायदा २०२१ हा सुधारीत कायदा लागू करण्यासाठी जिल्हास्तरीय मंडळाची नियुक्ती करण्याच्या सूचना दिल्या. आर्वी येथील गर्भपात प्रकरणाची मंत्रालयानेही दखल घेतली असून आता राज्यात अश्या घटना होऊ नये म्हणून अलर्ट झाले आहे.

राज्याचे गृहमंत्री, आरोग्यमंत्री यांच्यासह उच्चपदस्थ अधिकाऱ्यांची ऑनलाईन बैठक घेण्यात आली. बैठकीच्या अध्यक्षस्थानी विधानसभेच्या उपसभापती निलम गोऱ्हे होत्या. बैठकीत गोऱ्हे यांनी आर्वी येथील ‘कदम’ रुग्णालयाचा संदर्भ देत गर्भपात केंद्रात शैक्षणिक क्षमतेचे डॉक्टर आहेत का, हे तपासण्याची गरज आहे. तसेच ज्या व्यक्तीला गर्भपात, सोनोग्राफीचा परवाना दिला तीच व्यक्ती केंद्र चालवित आहे की नाही, हे जिल्हास्तरीय समितीने तपासण्याची आवश्यकता आहे.

व्हॉट्सअॅप ग्रुप ही लिंक वापरून जॉइन करा

एमटीपी आणि पीसीपीएनडीटी कायद्याच्या प्रभावी अंमलबजावणीसाठी एमटीपी सुधारित कायद्यानुसार पोलीस अधिकारी, आरोग्य विभागाचे संयुक्त प्रशिक्षण देण्याची गरज आहे. तसेच जिल्हा व राज्य स्तरावर एमटीपीच्या सुधारित कायद्यानुसार जिल्हा व राज्य स्तरावर समित्या स्थापन करण्याची गरज असल्याचे गोऱ्हे यांनी बैठकीत सांगितले.

या बैठकीत गृहमंत्री दिलीप वळसे पाटील यांनीही राज्याच्या गृह विभागाच्या वतीने एमटीपी कायदा (सुधारित) आणि पीसीपीएनडीटी कायद्याच्या अंमलबजावणीसाठी आवश्यक ती पावले उचलणार असल्याची माहिती दिली. तर आरोग्यमंत्री राजेश टोपे यांनी पॉस्को कायद्याशी संबंधित जनजागृती करण्याचे तसेच राज्य व जिल्हा स्तरावर मंडळ स्थापन करण्याचे आश्वासन दिले.

टेलिग्राम बातम्यांसाठी लिंक क्लिक करा

या ऑनलाईन बैठकीत गृहमंत्री दिलीप वळसे पाटील, राज्याचे आरोग्य मंत्री राजेश टोपे, अतिरिक्त मुख्य सचिव डॉ. प्रदीप व्यास, पुणे येथील विभागीय आयुक्त सौरभ राव, अमरावतीचे विभागीय आयुक्त पीयूष सिंह, अतिरिक्त मुख्य सचिव डॉ. प्रदीप व्यास, पोलीस महासंचालक विनय कोरगावकर, पुणे पोलीस अधीक्षक डॉ. अभिनव, पोलीस अधीक्षक डॉ. बसवराज तेली, पोलीस अधीक्षक वर्धा प्रशांत होळकर, सांगली येथील पोलीस अधीक्षक दीक्षीत गेडाम, डॉ. दिगंबर प्रधान, पोलीस उपअधीक्षक डॉ. अश्विनी पाटिल, डॉ. शीतल पाटील यांची उपस्थिती होती.

हे देखील वाचा : 

जिल्ह्यात कोरोनाने एका महिलेचा मृत्यू, नवीन 158 कोरोनाबाधित तर 327 कोरोनामुक्त 

“या” बिल्डरच्या बॉडिगार्ड्सकडून शेतकऱ्याला बेदम मारहाण