19 एप्रिल पर्यंत राज्यात भारनियमातून सामान्य स्थितीत वीजपुरवठा सुरळीत करण्याकडे आपला प्रयत्न – ऊर्जा मंत्री डॉ. नितीन राऊत

By Loksparsh Team On Apr 15, 2022

Get real time updates directly on you device, subscribe now.

लोकस्पर्श न्यूज नेटवर्क,

नागपूर, दि. १५ एप्रिल : सर्व कोळसा खाणी या केंद्र शासनाच्या मालकीच्या आहेत. खाजगी कंपन्या त्यांचा कोळसा कंत्राट दिल्या शिवाय ते विकू शकत नाहीत. केंद्रीय मंत्री रावसाहेब दानवे यांनी सल्ले देण्याऐवजी कोल इंडिया लिमीटेडच्या महावितरणसोबत झालेल्या कंत्राटाकडे लक्ष केंद्रित करावे असे आवाहन राज्याचे उर्जा मंत्री डॉ. नितीन राऊत यांनी आज केले, ते आज नागपुरात प्रसारमाध्यमांशी बोलत होते.

प्रदेशात भारनियमन होऊ नये यासाठी केंद्र शासनाने उरण प्रकल्पात गॅस, तसेच इतर प्रकल्पात कोळसा, रॅक्स उपलब्ध करून देणे आवश्यक आहे. राज्यात काही औष्णीक प्रकल्पात दीड ते सहा दिवस पुरेल इतकाच कोळसा विजनिर्मिती साठी शिल्लक असून जल विदयुत प्रकल्पातही जास्तीचे पाणी उपलब्ध करून देण्यास आपण जलसंपदा मंत्र्यांना सांगितले असल्याचे राऊत यांनी स्पष्ट केले . १९ एप्रिल पर्यंत राज्यात भारनियमातून सामान्य स्थितीत वीजपुरवठा सुरळीत करण्याकडे आपला प्रयत्न असल्याचे त्यांनी सांगितले.