खा. अशोक नेते यांनी अहेरी व एटापल्ली तालुक्यातील कोविड-१९ स्थितीचा घेतला आढावा

अहेरी आणि एटापल्ली या दोन्ही तालुक्याला ऑक्सिजन व व्हेंटिलेटर पुरविण्याचे दिले आश्वासन

लोकस्पर्श न्यूज नेटवर्क

गडचिरोली, दि. २८ एप्रिल: गडचिरोली जिल्ह्यात कोविड-१९ बाधीत रुग्णांच्या संख्येत दिवसेंदिवस वाढ होत आहे. त्याचप्रमाणे अहेरी व एटापल्ली तालुक्यात कोरोना बाधितांची संख्या झपाट्याने वाढत आहे. यावर नियंत्रण ठेवण्यासाठी योग्य उपाययोजना करणे आवश्यक असून बाधीत रुग्णांना योग्य औषधोपचार करून कोरोना वर मात करण्याचे निर्देश खा. अशोक नेते यांनी दिले. अहेरी तालुक्याचा कोविड-१९ स्थितीचा आढावा अहेरी तहसील कार्यालयात घेण्यात आला तसेच एटापल्ली तालुक्याच्या कोविड-१९ स्थितीचा आढावा आलापल्ली शासकीय विश्रामगृहात अधिकाऱ्यांकडून घेण्यात आला.

यावेळी खा. अशोक नेते यांनी आढावा घेतला असता अहेरी व एटापल्ली तालुक्यातील ऑक्सिजन व व्हेंटिलेटरची तसेच औषधीची कमतरता असल्याचे वैद्यकीय अधिकारी यांनी सांगितले.

यावेळी खा. अशोक नेते यांनी औषधी साठी वरिष्ठांना सूचना देणार असून केंद्रीय मंत्री नितीन गडकरी यांच्याकडून ऑक्सिजन कन्सटेटर मशीन व मिनी व्हेंटिलेटर अहेरी व एटापल्ली तालुक्यासाठी उपलब्ध करून देण्याचे आश्वासन दिले व कोरोना बाधीत व क्वारंटाईन रुग्णांना सोयी सुविधा उपलब्ध करून देण्याचे निर्देश यावेळी खा. अशोक नेते यांनी दिले. बैठकीला अधिकारी, विभाग प्रमुख उपस्थित होते.

आढावा बैठकिला भाजपचे ज्येष्ठ नेते तथा ओबीसी मोर्चाचे पूर्व विदर्भ संपर्क प्रमुख बाबुरावजी कोहळे, प्रदेश सदस्य स्वप्नील वरघंटे, जिल्हा सचिव विनोद आकनपल्लीवार, अहेरी तालुका महामंत्री पोशालु चूधरी, महिला आघाडीच्या रहिमा सिद्धीकी, तहसीलदार, वैद्यकीय अधीक्षक, नायब तहसीलदार व अधिकारी उपस्थित होते.