लोकस्पर्श न्यूज नेटवर्क,
गडचिरोली, दि. 07 एप्रिल : महात्मा बसवेश्वर सामाजिक समता- शिवा पुरस्कार नियमावलीबाबतचा शासन निर्णय दिनांक 08 मार्च 2019 रोजी निर्गमित करण्यात आलेला आहे. सदर शासन निर्णयान्वये विरशैव लिंगायत समाजासाठी सामाजिक, कलात्मक, समाज संघटनात्मक, आध्यात्मिक प्रबोधन व साहित्यीक क्षेत्रात काम करीत असलेल्या व्यक्तीच्या व संस्थांच्या कामाची दाद/ दखल घ्यावी व इतरांना त्यापासून प्रेरणा मिळावी, जेणेकरुन या समाजातील समाजसेवक, कलावंत, समाज संघटनात्मक कार्यकर्ते, अध्यात्मिक प्रबोधनकार व साहित्यीक सरसावून पुढे यावेत याकरिता व्यक्तीसाठी एक व सामाजिक संस्थांसाठी एक असे एकूण दोन पुरस्कार देण्यात येणार आहे.
सदरहु पुरस्कार सन 2018-19, 2019-20, 2020-21 व 2021-22 या चार वर्षाचा एकत्रित घेण्यात येणार असल्याने सर्व व्यक्ती व संस्था यांनी सन 2018-19, 2019-20, 2020-21 व 2021-22 अशा चार वर्षासाठी चार वेगवेगळे रितसर अर्ज करण्यात यावेत. तसेच सदरहु अर्ज हे दिनांक 20.04.2022 रोजी पुर्वी सादर करण्यात यावेत. या पुरस्कारासाठी पात्रताबाबतची नियमावली दिनांक 08.03.2019 रोजीच्या शासन निर्णयासोबत जोडण्यात आलेली असून महाराष्ट्र शासनाच्या वेबसाईटवर संबंधित शासन निर्णय असून त्याचा संकेतांक क्रमांक 201903082039003522 असा आहे. तरी इच्छुक संस्था व व्यक्ती यांनी सन 2018-19, 2019-20, 2020-21 व 2021-22 अशा चार वर्षासाठी दोन वेगवेगळा रितसर अर्ज उपरोक्त पुरस्कारासाठी संबंधित जिल्ह्याचे सहाय्यक आयुक्त, समाज कल्याण, गडचिरोली यांच्याकडे दिनांक 20.04.2022 पर्यत शासन पत्र दिनांक 22.07.2019 अन्वये विहित केलेल्या नमुन्यामध्ये रितसर अर्ज करावा. अर्जासोबत नियमाप्रमाणे आवश्यक व योग्य ती माहिती जोडावी असे सहाय्यक आयुक्त समाज कल्याण, गडचिरोली यांनी कळविले आहे.
व्हॉट्सअॅप ग्रुप ही लिंक वापरून जॉइन करा
हे देखील वाचा :
टेलिग्राम बातम्यांसाठी लिंक क्लिक करा
वनपट्टे प्राप्त असणाऱ्या आदिवासी शेतकऱ्यांना शेळी गटाचा पुरवठा करण्याकरीता अर्ज आमंत्रित
Comments are closed.