व्यसन उपचारासाठी आंबेटोला वासीयांचा पुढाकार

आंबेटोला हे गाव ग्रामस्थांच्या पुढाकाराने मागील 16 वर्षांपासून अवैध दारूविक्रीमुक्त गाव म्हणून ओळखले जाते. ही दारुबंदी टिकवून ठेवण्यासाठी मुक्तीपथ गाव संघटनेतर्फे अथक परिश्रम घेतले जात आहेत. त्यामुळे या परिसरातील मद्यपी दारू पिण्यासाठी मुरूमबोडी, बोथेडा या गावांकडे धाव घेतात. सध्या गावातील रुग्णांची गरज लक्षात घेता गाव संघटनेने दोन दिवसीय व्यसन उपचार शिबिराची मागणी केली. त्यानुसार मुक्तीपथ तर्फे आयोजित शिबिराला ग्रामस्थांनी उत्स्फूर्त प्रतिसाद दिला. एकूण गावातील 30 जणांनी व्यसन उपचार घेत दारूमुक्त होण्याचा निर्णय घेतला.

यावेळी संयोजक प्रभाकर केळझरकर यांनी रूग्णांची केस हिष्ट्री घेत धोक्याचे घटक सांगितले. समुपदेशक छत्रपती घवघवे यांनी दारूची सवय कशी लागते, शरीरावर होणारे दुष्परिणाम, नियमित औषधोपचार आदींची माहीती दिली. शिबिराचे नियोजन मुक्तीपथ तालुका संघटक अमोल वाकुडकर, उपसंघटक रेवणनाथ मेश्राम यांनी केले तर यशस्वीतेसाठी उपसरपंच दीपक भोयर, डंबाजी साखरे यांच्यासह गाव संघटनेच्या सदस्यांनी सहकार्य केले.

https://youtu.be/0W5cwagvLOw

https://youtu.be/eYC4zWxQe7w