दुर्गम भागातील ५६ जणांना नको दारूचे व्यसन

भामरागड तालुक्यातील गोलागुड येथे गाव पातळी व्यसन उपचार शिबीर घेण्यात आले. त्यात २० रुग्णांनी पूर्ण उपचार घेतला. क्लिनिकचे व्यवस्थापन व नियोजन तालुका कार्यकर्ता आबिद शेख यांनी केले. उपक्रम यशस्वी करण्याकरिता सुरेश मडावी, गाव पाटील सुखदेव पुंगाटी, लक्ष्मण होयामी, रामजी मडावी यांनी सहकार्य केले. विशेष म्हणजे या गावातील हे तिसरे शिबीर आहे. एटापल्ली तालुक्यातील तुमरगुंडा येथील शिबिरातून १४ पेशंटने उपचार घेतला. रुग्णाची नोंदणी रविंद्र वैरागडे यांनी केले. क्लिनिकचे नियोजन व व्यवस्थापन मुक्तीपथ गाव संघटन व तालुका संघटक किशोर मलेवार यांनी केले. यशस्वीतेसाठी मुक्तीपथ गावं संघटन सदस्य पोलिस पाटील केशव गावडे, सरपंच सविता गावडे, अशोक गावडे, ताराबाई गावडे, मधूलीला सोयाम यांनी सहकार्य केले. दोन्ही शिबिरांमध्ये रुग्णाची केस हिष्ट्री दशरथ रमकाम तर रुग्णाचे समुपदेशन पूजा येलुरकर यांनी केले.

चामोर्शी तालुक्यातील जामगिरी येथे एक दिवसीय गाव पातळी शिबीर घेण्यात आले. त्यामध्ये १८ जणांनी नोंदणी केली व ११ रुग्णांनी पूर्ण उपचार घेतला. यावेळी छत्रपती घवघवे यांनी रुग्णांचे समुपदेशन केले. प्रभाकर केळझरकर यांनी रुग्णांची केस हिस्ट्री घेतली. विनोद पांडे यांनी रुग्णांची नोंदणी केली तर संघटक आनंद इंगळे यांनी शिबिराचे आयोजन केले. शिबीर यशस्वी करण्याकरिता तंटामुक्ती अध्यक्ष, सचिव, उपसरपंच व गाव संघटनचे पदाधिकारी,  महिला यांनी अथक परिश्रम घेतले. अहेरी तालुक्यातील रेपनपल्ली येथे आयोजित शिबिराच्या माध्यमातून ११ जणांनी उपचार घेतला. अशा प्रकारे विविध गावातील एकूण ५६ जणांना दारूचे दुष्परिणाम लक्षात येताच त्यांनी उपचार घेतला.