१४ ऑगस्टला ‘सर्च’ रुग्णालयात मुत्रविकार , त्वचाविकार व सिकलसेल ओपीडी

गडचिरोली – धानोरा तालुक्यातील चातगाव येथील सर्च रुग्णालयात १४ ऑगस्ट २०२४ रोज  बुधवारला मूत्रविकार, त्वचाविकार व  सिकलसेल ओपीडीचे आयोजन करण्यात आले आहे. मूत्रविकार व  त्वचाविकार विशेषज्ञ ओपीडी करीता दत्ता मेघे हॉस्पिटल सावंगी, वर्धा येथील विशेषज्ञ सर्च रुग्णालय चातगाव येथे रुग्णसेवा देण्या करीता येणार आहेत.

 आय.सी.एम.आर सिकलसेल टीम चंद्रपुर व सर्च यांच्या सहकार्याने सिकलसेल ओपीडीचे नियोजन करण्यात आले आहे. १४ ऑगस्ट २०२४ या दिवशी सर्च रुग्णालयात सिकलसेल ओपीडी घेण्यात येणार असून, डॉ. कल्पिता गावीत चंद्रपुर या ओपीडी साठी उपस्थित राहतील.  सिकलसेल आजार हा अंनुवांशिक आजार आहे. यात आई व वडील दोघेही सिकलसेल रुग्ण किवा वाहक असल्यास त्यांच्या अपत्याना हा आजार होऊ शकतो. आजाराची माहिती, लक्षणे व रुग्णांनी घ्यावयाची काळजी याविषयी मार्गदर्शन तसेच मोफत आरोग्य तपासणी व औषधोपचार – Folic acid, Hydroxyurea आणि इतर आवश्यक औषधी या ओपिडी मध्ये  मोफत दिल्या जाईल.

गडचिरोली जिल्हातील ग्रामीण व आदिवासी  गरजू रुग्णांकरिता उत्कृष्ट दर्जाची आरोग्य सुविधा पुरविण्याच्या उद्देशाने सर्च रुग्णालय विशेष आर्थिक सुविधा देत आहे. ओपीडीमध्ये  ईसीजी, एक्सरे व प्रयोगशाळा तपासणी तसेच डॉक्टरांनी लिहून दिलेल्या औषधांवर  सवलत प्रदान करित आहे. विशेष म्हणजे १५ वर्षाखालील सर्व लहान मुलांना सर्च रुग्णालयात कोणतेही शुल्क आकारले जात नाही. नोंदणी फी, प्रयोगशाळा तपासणी, डॉक्टरांनी लिहून दिलेल्या औषधी या १००% मोफत दिल्या जातात. तरी बुधवार दिनांक- १४ ऑगस्ट रोजी होणार्‍या  मुत्रविकार, त्वचाविकार व सिकलसेल ओपिडीचा लाभ जास्तीत जास्त रुग्णांनी करून घेण्याचे आवाहन सर्च रुग्णालयाने केले आहे. येताना आधारकार्ड व रेशन कार्ड सोबत घेऊन यावे.