नाशिक जिल्ह्यातील लासलगाव बाजार समितीत दुसऱ्या दिवशीही कांदा लिलाव ठप्प असल्याने कांदा उत्पादक शेतकरी अडचणीत.

लोकस्पर्श न्यूज नेटवर्क

नाशिक:-राज्यातील सर्वात मोठी कांद्याची बाजारपेठ म्हणून ओळखली जाणारी नाशिक जिल्ह्यातील लासलगाव बाजार समितीत सलग दुसऱ्या दिवशी कांदा लिलाव ठप्प असल्याने कांदा उत्पादक शेतकरी अडचणीत सापडला आहे.

व्हॉट्सअॅप ग्रुप ही लिंक वापरून जॉइन करा

केंद्र सरकारने निर्यात बंदी केल्याने कांदा उत्पादक शेतकरी संघटना आक्रमक झाली आहे. बाजार समितीत व्यापाऱ्यांनी कांदा लिलाव बंद पाडल्यानी बाजार समितीत सर्वसामान्य लोकांकडून होणारी कांदा खरेदी बंद आहे .त्यामुळे बाजार समितीत शुकशुकाट आहे. त्यातच केंद्र सरकारने 25 टन कांदा साठवणुकीची मर्यादा घातल्याने अधिक कांदा असलेले व्यापारी लिलावात सहभागी झाले नाहीत त्यामुळे राज्यात अनेक ठिकाणी कांद्याचे दर गडगडल्याचे चित्र दिसून येते आहे.