आरमोरी विधानसभा सार्वत्रिक निवडणूक गृह मतदान दिनांक 9,10 व 11 नोव्हेंबर 2024 रोजी पार पडणार.

लोकस्पर्श न्युज नेटवर्क,

देसाईगंज :- भारत निवडणूक आयोगाद्वारा महाराष्ट्र विधानसभा सार्वत्रिक निवडणूक-2024 चा निवडणूक कार्यक्रम घोषीत करण्यात आलेला आहे. या अनुषंगाने निवडणूक निरीक्षक (सामान्य) मा. विनीतकुमार (भा.प्र.से.) यांचे मार्गदर्शनानुसार 67- आरमोरी (अ.ज.) विधानसभा क्षेत्रात 85 वर्षावरील जेष्ट नागरीक व दिव्यांग मतदार यांचेकरीता दिनांक 09,10 व 11 नोव्हेंबर 2024 रोजी गृह मतदान पार पडणार आहे.
याकरीता एकुण 09 पथक तयार करण्यात आले असुन सदर पथक 85 वर्षावरील जेष्ट नागरीक व दिव्यांग मतदार यांचे कडे गृह भेट देऊन मतदान घेणार आहेत. या पथकामध्ये यामध्ये मतदान केंद्राध्यक्ष,प्रथम मतदान अधिकारी ,व्हिडीओग्राफर व पोलिस शिपाई ईत्यांदींचा समावेश आहे. तसेच सदर प्रक्रिया पार पाडण्याकरीता सुक्ष्मनिरीक्षक, क्षेत्रीय अधिकारी व सहायक क्षेत्रीय अधिकारी यांची नियुक्ती करण्यात आली असुन त्यांचे देखरेखीखाली सदर प्रक्रिया पार पाडली जाणार आहे.
तरी ज्या मतदारांनी गृह मतदानाचा पर्याय निवडलेला आहे. त्यांनी सदर तारखेला आपल्या स्वगृही उपस्थित राहून मतदानाचा हक्क बजावावा. तसेच गृह मतदाना वेळी उमेदवारांना आपले प्रतिनीधी नेमता येतील, तरी सर्व उमेदवारांनी आपले मतदान प्रतिनिधी नेमावेत व गृह मतदान प्रक्रिया यशस्वी पार पाडण्याकरीता सहकार्य करावे. असे आवाहन 67- आरमोरी विधानसभा सार्वत्रिक निवडणूक- 2024 च्या निवडणूक निर्णय अधिकारी मा.मानसी (भा.प्र.से.) यांनी केले आहे.

व्हॉट्सअॅप ग्रुप ही लिंक वापरून जॉइन करा