चला दारू सोडण्यासाठी उपचार घेऊया

 दारूच्या व्यसनातून मुक्त होण्यासाठी उपचार घेण्याची इच्छा असलेल्या व्यक्तीकरिता हे उपचार केंद्र सोयीचे झाले आहे. इतर जिल्ह्यात किंवा मोठ्या शहरात  ही सोय खूप मोठी रक्कम मोजून उपलब्ध होते. पैसा जवळ नसल्याने अनेक व्यसनी उपचार घेऊ शकत नाही. ही बाब लक्षात घेता मुक्तीपथ अभियानाने बाराही तालुका मुख्यालयी तालुका क्लिनिक सुरू केली आहे. आतापर्यंत अनेक रुग्णांनी या संधीचा लाभ घेतला आहे. एटापल्ली 12, गडचिरोली 12, धानोरा 8, भामरागड 10, देसाईगंज 11, चामोर्शी 8, कोरची 10 रुग्णांनी भेट दिली. अशा एकूण 71 रुग्णांवर उपचार करण्यात आला.

क्लिनिकला भेट दिलेल्या रुग्णांना औषधोपचारासह समुपदेशन देखील केले जाते. सोबतच दारूचे दुष्परिणाम, धोक्याचे घटक, शरीरावर होणारे बदल आदींची माहिती पटवून दिली जाते. तसेच एकदा उपचार घेतलेल्या रुग्णांचा नियमित पाठपुरावा करीत त्यांची सध्यस्थीती जाणून घेतली जाते. आतापर्यंत अनेकांनी उपचार घेतला आहे. दारूचे व्यसन सोडण्याची इच्छा असलेल्या जास्तीत जास्त रुग्णांनी आपल्या शहरातील तालुका क्लिनिकला भेट देण्याचे आवाहन मुक्तीपथ अभियानाने केले आहे.