२१ जूनला आंतरराष्ट्रीय योग दिन! गोंडवाना विद्यापीठात भव्य योग प्रात्यक्षिकांचे आयोजन

लोकस्पर्श न्युज नेटवर्क,

गडचिरोली दि,२१ : आंतरराष्ट्रीय योग दिनानिमित्त २१ जून रोजी सकाळी ७ ते ८ या वेळेत गोंडवाना विद्यापीठाच्या प्रांगणात भव्य योग सत्राचे आयोजन करण्यात आले आहे. जिल्हा प्रशासन, गोंडवाना विद्यापीठ, जिल्हा क्रीडा अधिकारी कार्यालय आणि विविध योग संस्थांच्या संयुक्त विद्यमाने हा कार्यक्रम होणार आहे.

संयुक्त राष्ट्रसंघाने २१ जून हा आंतरराष्ट्रीय योग दिन म्हणून घोषित केल्यानंतर जगभरात दरवर्षी मोठ्या उत्साहात हा दिवस साजरा केला जातो. गडचिरोली जिल्ह्यातही या वर्षी योग दिनाचे औचित्य साधून जनजागृतीपर योग सत्र राबवले जाणार आहे. नागरिकांचे शारीरिक, मानसिक व आध्यात्मिक आरोग्य सुदृढ व्हावे, या हेतूने योग दिनाचे आयोजन करण्यात आले असून नागरिकांनी मोठ्या संख्येने सहभागी व्हावे, असे आवाहन करण्यात आले आहे.

व्हॉट्सअॅप ग्रुप ही लिंक वापरून जॉइन करा

जिल्ह्यातील महिला, युवक, क्रीडापटू, योग प्रशिक्षक, महाविद्यालयीन व शालेय विद्यार्थी, तसेच शासकीय कर्मचारी, जिल्हा परिषदेतील अधिकारी, आणि विविध शासकीय विभागांचे कर्मचारी यांना विशेषतः उपस्थित राहण्याचे आवाहन करण्यात आले आहे. यासोबतच, शैक्षणिक संस्था, शाळा, कनिष्ठ महाविद्यालये, एन.सी.सी., नेहरू युवा केंद्र, सामाजिक संस्था व उद्योजकांनीही आपल्या पातळीवर योग दिन साजरा करावा, असे आवाहन जिल्हा क्रीडा अधिकारी भास्कर घटाळे यांनी केले आहे.