पंजाबमध्ये आप पक्षाने विधानसभा निवडणुकीच्या निकालामध्ये सत्ताधारी काँग्रेससह भाजपचाही सुपडा केला साफ !

अमृतसर सेंट्रल या विधानसभ मतदार संघातून अजय गुप्ता यांनी ओम प्रकाश सोनी यांचा पराभव केला आहे. ओम प्रकाश सोनी अमृतसह सेंट्रलमधून तीन वेळा आमदार राहिले आहेत. 2007,2012 आणि 2017 मध्ये ओम प्रकाश सोनी यांनी विजय मिळवला होता. मात्र, आता आपच्या विजयाने  त्यांचा पराभव केला आहे.

पंजाबचे मुख्यमंत्री चरणजीत सिंह यांनी दोन जागांवर निवडणूक लढवली होती. या दोन्ही जागांवर त्यांचा पराभव झाला आहे. अंतर्गत कलहाचा पंजाबमध्ये काँग्रेसला जोरदार फटका बसला आहे. निवडणुकीच्या आधी मुख्यमंत्रिपदावरुन काँग्रेसमध्ये दोन गट निर्माण झाले होते. याचा फटका काँग्रेसला बसल्याचे राजकीय विश्लेषकांनी सांगितले आहे. दुपारपर्यंत हाती आलेल्या आकडेवारीनुसार चरणजीत सिंह  चन्नी यांना चमकौर साहिब आणि भदौर या दोन्ही जागेवर पराभव झाला आहे. भदौर मतदारसंघातून आपच्या लाभ सिंह यांनी चरणजीत सिंह यांचा पराभव केला आहे. ते फक्त 12 वी पास आहेत. तर चमकौर साहिब या मतदार संघातून डॉक्टर चरणजीत सिंह यांनी काँग्रेसच्या चरणजीत सिंह यांचा पराभव केला आहे. या मतदारसंघातून काँग्रेसच्या चरणजीत सिंह यांनी तीन वेळा निवडणूक जिंकली आहे. 2007 पासून ते आमदार आहेत. पण आता चरणजीत सिंह यांना दोन्ही जागांवरुन पराभव स्विकारावा लागला आहे. इतकेच नाही तर पंजाबमध्ये काँग्रेसचा दारुण पराभव झाला आहे. सुरुवातीच्या आकडेवारीनुसार, पंजाबमध्ये आप पक्षाने सत्तास्थापनेची संख्या पार केली आहे. पंजाबमध्ये आप एकहाती सत्ता स्थापन करेल.

 हे देखील वाचा ,

चैनपूर्ण करण्यासाठी जे काढल्या जातं त्याच नाव आहे कर्ज…! इंदुरीकर महाराजांचे वादग्रस्त विधान