ओमायक्रॉन व्हेरिएंटच्या रुग्णांमध्ये वाढ; महाराष्ट्रानंतर ‘या’ राज्यात Omicron चा कहर

By Loksparsh Team On Dec 17, 2021

Get real time updates directly on you device, subscribe now.

लोकस्पर्श न्यूज नेटवर्क,

नवी दिल्ली, १७ डिसेंबर: कोरोनाचा संसर्ग सातत्याने वाढत आहे. देशाची (National Capital, Delhi) राजधानी दिल्लीत कोरोनाच्या ओमायक्रॉन व्हेरिएंटचे १० नवीन रुग्ण आढळले आहेत. जीनोम सिक्वेन्सिंगसाठी (Genome sequencing) ४० जणांचे नमुने पाठवण्यात आले होते. यामध्ये १० जणांमध्ये ओमायक्रॉनचा संसर्ग आढळून आला आहे. त्यामुळे आता देशभरात ओमायक्रॉनची लागण झालेले ९७ रुग्ण समोर आले आहेत.

आता देशात Omicron व्हेरिएंटची ९७ प्रकरणे समोर आली आहेत. तर दिल्लीत हा आकडा २० वर पोहोचला आहे. आदल्या दिवशी कोरोनाचे ८५ नवीन रुग्ण आढळून आले होते. यामध्ये सुमारे ४० लोकांचे नमुने जीनोम सिक्वेन्सिंगसाठी पाठवण्यात आले होते. यामध्ये ओमायक्रॉनची नवीन प्रकरणे समोर आली आहेत. गुरुवारी सापडलेल्या बाधितांनी गेल्या चार महिन्यांचा विक्रम मोडला आहे. अशा परिस्थितीत डॉक्टर लोकांना विशेष खबरदारी घेण्याचा सल्ला देत आहेत.