एटीएम अदलाबदली करून फसवणूक करणार्या आरोपीस अटक
लोकस्पर्श न्यूज नेटवर्क,
नालासोपारा, 04 नोव्हेंबर :- मिरा-भाईंदर, वसई-विरार पोलीस आयुक्तालय कार्यक्षेत्रात गेल्या काही महिन्यांपासून एटीएम मशीन मधून पैसे काढून देण्याच्या मदतीचा बहाणा करून हातचलाखीने एटीएम कार्डची अदलाबदली करून फसवणूक करणार्या सराईत आरोपीस गुन्हे शाख कक्ष 3 विरार शाखेच्या पोलीसांना यश मिळाले आहे. मोहम्मद आरीफअली शेख (48) रा. शक्कर मोहल्ला नालासोपारा पश्चिम यांस अटक करून त्याच्या जवळून विविध बॅंकेचे 21 एटीएम कार्ड व मोटरसायकल असा एकुण 65 हजार रूपयांचा माल जप्त करण्यात आला आहे.
गुन्हे शाखा कक्ष 3 विरार शाखेतील पोलीस अधिकारी व अंमलदार यांनी तांत्रित विश्लेषण व गुप्त बातमीदारकडून मिळालेल्या माहितीच्या आधारे आरोपी मोहम्मद आरीफअली शेख यांस 1 नोव्हेंबर रोजी ताब्यात घेउन चैकशी केली असता त्याच्या जवळून विविध बॅंकेचे 21 एटीएम कार्ड व मोटरसायकल असा एकुण 65 हजार रूपयांचा माल जप्त करण्यात आला.
सदरची कार्रवाई पोलीस उपआयुक्त विजयकांत सागर, सहा. पोलीस आयुक्त अमोल मांडवे यांच्या मार्गदर्शनात गुन्हे शाखा कक्ष 3 चे पोलिस निरीक्षक प्रमोद बडाख, पोउपनि शिवाजी खाडे, अशोक पाटील, मुकेश तटकरे, सागर बारवकर, सुचित घेरे, अश्विन पाटील, प्रविण वानखेडे यांनी केली.
हे पण वाचा :-
Comments are closed.