जबरी चोरी करणा­या दोन आरोपींना पोलिसांनी केली अटक

लोकस्पर्श न्यूज नेटवर्क,

गडचिरोली दि,4 एप्रिल :  देसाईगंज पोलीस ठाणेचे अधिकारी कर्मचारी  पेट्रोलींग करींत असताना मिळालेल्या  मौजा अरकतोंडी, पळसगांव महादेव पहाडी येथे दोन इसमांचे मोबाईल व पैसे जबरीे हिसकावुन नेणाऱ्या दोन  चोरांच्या मुसक्या आवळण्यात देसाईगंज पोलिसाना यश आले आहे .

देसाईगंज प्रभारी अधिकारी पोलीस निरीक्षक अजय जगताप यांचे आदेशान्वये सहाय्यक  पोलीस निरीक्षक संदिप आगरकर व पोलीस स्टेशन कर्मचारी पोलीस स्टेशन परिसरात पेट्रोलींग करीत असतांना, प्रभारी अधिकारी यांना गोपनिय बातमीदारांनी माहिती दिली की, मौजा अरकतोंडी, पळसगांव महादेव पहाडी येथे दोन इसमांचे मोबाईल व पैसे जबरीे हिसकावुन चोरुन नेले.

व्हॉट्सअॅप ग्रुप ही लिंक वापरून जॉइन करा

त्या  मिळालेल्या गोपनिय माहितीच्या आधारावर सपोनि. आगरकर व पोस्टे स्टाफ यांचे एक पथक तात्काळ महादेव पहाडी पळसगांव येथे गेले असता, तिथे फिर्यादी नामे जय सहदेव दोनाडकर रा. बरडकीन्ही तह. ब्राम्हपूरी जि. चंद्रपूर यांनी सांगीतले की, जय व त्याचा मित्र हर्षल पहाडी चढत असतांना हर्षल यास दम आल्याने तो थोडा वेळ थांबला असता, हर्षलजवळ दोन अनोळखी पगडी बांधुन असलेले सरदार त्यांचेजवळ येतांना दिसुन आल्याने फिर्यादी जय हा हर्षलजवळ आले असता, पगडी बांधून असलेल्या दोन्ही इसमांनी त्यांना मारण्याची धमकी देऊन तुमच्याकडे असलेले पैस आम्हाला द्या असे धमकावल्याने फिर्यादी जय याने नकार दर्शविल्याने त्यापैकी एक मजबूत बांधा असलेल्या इसमाने फिर्यादी जय यांचे कॉलर पकडुन तुला मारुन टाकीन असे म्हणुन खिशात हात टाकुन खिशातील पॉकीटमध्ये असलेले 950/- रु. हिसकावुन घेतले. तसेच हर्षलकडे असलेले एक रिअल मी 7-1 कंपनीचे मोबाईल किंमत अंदाजे 13500/- रु. हिसकावुन घेतले. त्यानंतर तिथे लोकं मदतीला येत असतांना पाहून, ते दोन्ही इसम पैसे व मोबाईल घेऊन पहाडीवर पळून गेले.

असे फिर्यादीने सांगितल्याने, सपोनि. आगरकर व त्यांच्या पोलीस स्टाफ यांनी फिर्यादीस सोबत घेऊन महादेव पहाडी वरील झुडपी जंगलात शोध घेतला असता, दोन अनोळखी इसमांनी त्यांना पाहताच पळ काढला. सदर पळुन जाणा­या दोन अनोळखी इसमांना पोलीस पथकांनी अत्यंत शिताफीने ताब्यात घेऊन सखोल चौकशी केली असता, सदर संशयित इसमांची नावे 1) बादलसिंग नैतरसिंग टाक वय 32 वर्षे व 2) अनमोलसिंग निर्मलसिंग टाक वय 28 वर्षे दोघेही रा. अर्जुनी मोरगाव सिंगलटोली वार्ड नं. 2, तह. अर्जुनी मोरगाव, जि. गोंदिया असे असून फिर्यादी व इतर प्रथमदर्शी साक्षीदार यांचेकडे प्राथमिक तपास करुन तसेच आरोपीतांकडुन गुन्ह्रात जबरीने चोरुन नेलेला एकुण 14,450/- रु. चा मुद्देमाल मिळून आल्याने त्यांचे विरुद्ध फिर्यादीच्या रिपोर्ट वरुन पोस्टे देसाईगंज येथे अप क्र. 108/2024 कलम 392, 34 भादंवि अन्यये गुन्हा दाखल करण्यात आलेला आहे. सदर गुन्ह्राचा पुढील तपास सपोनि. आगरकर करीत असून, अटक करण्यात आलेल्या दोन्ही आरोपीतांना मा. न्यायालयाने 03 दिवस पोलीस कोठडी रिमांड मंजूर केलेला आहे.

टेलिग्राम बातम्यांसाठी लिंक क्लिक करा

सदरची कार्यवाही मा. पोलीस अधीक्षक श्री. नीलोत्पल सा., मा. अपर पोलीस अधीक्षक (प्रशासन) श्री. कुमार चिंता सा. तसेच उपविभागीय पोलीस अधिकारी कुरखेडा श्री. रविंद्र भोसले यांच्या मार्गदर्शनाखाली प्रभारी अधिकारी पोस्टे देसाईगंज पोनि. अजय जगताप, सपोनि. संदिप आगरकर, पोअं/5538 विलेश ढोके, पोअं/3755 शैलेश तोरपकवार यांनी केलेली आहे..